رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ سه‌ره‌دانا چه‌ند پرۆژه‌یێن ساخله‌میێ‌ دا

 ژپێخه‌مه‌ت زانینا چه‌وانیا ب رێڤه‌چوونا كارێن نووژه‌نكرن و ئاڤه‌دانكرنێ‌، ئه‌ڤرۆ 31/1/2010، د.عه‌بدوللا سه‌عید عه‌بدوللا، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ و دگه‌ل د.شاكر سه‌لیم، رێڤه‌به‌رێ‌ نه‌خوشخانا ئازادی یا فێركرنێ‌ سه‌ره‌دانا پرۆژێ‌ نووژه‌نكرن و ئاماده‌كرنا سه‌نته‌رێ‌ زارۆكێن دناڤ شووشه‌ی دا كر كو دناڤ نه‌خوشخانا ئازادی یا فێركرنێ‌ دا دهێته‌ درۆستكرن.
دگه‌ریانه‌كێ‌ دا دناڤ سه‌نته‌ری دا چه‌ند رێنمای ئاراسته‌ی ستافی كرن سه‌باره‌ت كارێن گوهارتنێ‌, هه‌ژی یه‌ كو سه‌نته‌رێ‌ زارۆكێن دناڤ شووشه‌ی دا دێ‌ خزمه‌تا هه‌موو خێزانێن بێ‌ زارۆك و ئه‌وێن تووشی نه‌زوكیێ‌ كه‌ت و  ب كوژمێ‌ 901,750,000دیناران ئامیرێن تایبه‌ت بۆ هاتینه‌ كرین.
هه‌روه‌سان سه‌ره‌دانا پشكا ته‌نگاڤیان یا نوو ل نه‌خوشخانا ناڤبری دا كو تێدا گه‌له‌ك گورانكاری بهێنه‌ كرن ژپێخه‌مه‌ت خزمه‌تكرنا نه‌خوشێن ته‌نگاڤ دوارێ‌ نه‌خوشیێن دلی و هناڤان دا.
پاشی به‌رێزان سه‌ره‌دانا سه‌نته‌رێ‌ چاندنا گولچیسكان كر كو بریاره‌ ل ڤان نێزیكان بكه‌ڤیته‌ دخزمه‌تا نه‌خوشان دا، سه‌نته‌رێ‌ چاندنا گولچیسكان ژی سه‌نته‌ره‌كێ‌ تایبه‌تمه‌نده‌ ب چاندنا گولچیسكان ڤه‌، قاته‌كێ‌ دی ل سه‌ر ئاڤاهیێ‌ سه‌نته‌رێ‌ شووشتنا گولچیسكان و شكاندنا به‌ركێن گولچیسكان هاتیه‌ زێده‌كرن بۆ ڤی كاری و كوژمێ‌ ( 1,146,935,000) دینار ژ بودجا حكومه‌تا هه‌رێما كوردستانێ‌ بۆ ئاڤاهی هاتینه‌ ته‌رخانكرن ل رۆژا 8/1/2009 ده‌ست ب دانانا به‌رێ‌ بنیاتی هاتبوو دانان و نوكه‌ پشتی هه‌موو پێدڤی بۆ هاتینه‌ ئاماده‌كرن بریاره‌ ل نێزیك ده‌ست ب كار ببیت.