شانده‌كێ رێكخراوا JIM NIT سه‌ره‌دانا رێڤه‌به‌ریا گشتنی یا ساخله‌میا پارێزگه‌ها دهوكێ دا
هاتیه بلاڤکرن روژا دوو شه‌مبێ, 1 شوات 2010 - 4:35pm
رێكخراوا جم نیت كو رێكخراوه‌كا یابانی یا نه حكومی یه و كار د بیاڤێ هاریكاریا نه‌خوشێن په‌نجه‌شێرێ دا دكه‌ت و ب تایبه‌ت په‌نجه‌شێرا خوینێ، ئه‌ڤرۆ گه‌هشته پارێزگه‌ها دهوكێ و سه‌ره‌دانا نه‌خوشخانا هیڤی یا زارۆكان دا و پاشی سه‌ره‌دانا رێڤه‌به‌ریا گشتی یا ساخله‌میا پارێزگه‌ها دهوكێ دا و ژلایێ د.عه‌بدوللا سه‌عید عه‌بدوللا، رێڤه‌به‌رێ گشتیێ ساخله‌میا پارێزگه‌ها دهوكێ هاتنه پێشوازیكرن، د روونشتنه‌كێ دا نوونه‌رێن رێكخراوێ دیاركر كو ئه‌ڤه دورلاێن پێنچ سالانه ئه‌و هاریكاریێ دبیاڤێ چاره‌سه‌ریا نه‌خوشێن په‌نجه‌شێرێ دا دكه‌ن و وان ل به‌ره ئه‌و ڤێ هاریكاریێ پێشكێشی نه‌خوشێن هه‌ولێر و دهوك بكه‌ن.
هه‌ر دبیاڤێ سه‌ره‌دانا وان دا و ل دور ئارمانجان، رێڤه‌به‌رێ گشتیێ ساخله‌میا پارێزگه‌ها دهوكێ دیارركر كو وان ل به‌ره ل رۆژا 16 /2/2010 سه‌ره‌دانا پارێزگه‌ها دهوكێ بكه‌نه‌ڤه و ل رۆژا 17/2/2010 ئه‌و دێ كونفرانسه‌كی ل هه‌ولێرێ گێرن و تێدا هه‌موو ئالیێن په‌یوه‌ندیدار ل سه‌ر ئاستێ عیراقێ دێ ئاماده‌بن.
ئه‌ڤ مالپه‌ره فرێکه
