شانده‌كێ ساخله‌میا پارێزگه‌ها سلێمانیێ ل دهۆكێ یه
هاتیه بلاڤکرن روژا دوو شه‌مبێ, 1 شوات 2010 - 4:40pm
ب مه‌ره‌ما ژ نێزیك دیتنا ره‌وشا ساخله‌میێ ل پارێزگه‌ها دهۆكێ، ئه‌ڤرۆ 1/2/2010 شانده‌كێ رێڤه‌به‌ریا گشتی یا ساخله‌میا پارێزگه‌ها سلێمانیێ گه‌هشته پارێزگه‌ها دهۆكێ.
ل ده‌ژمێر 9ێ سپێدی ژلایێ د.عه‌بدوللا سه‌عید عه‌بدوللا، رێڤه‌به‌رێ گشتیێ ساخله‌میا پارێزگه‌ها دهۆكێ هاتنه پێشوازیكرن و رێڤه‌به‌رێ گشتی پێخوشحالیا خو ل هه‌مبه‌ر سه‌ره‌دانا وان ده‌ربری و ژێ خواست كو مفای ژ سه‌ربوورا ساخله‌میێ ژلایه‌نێن كارگێری و چاره‌سازی وه‌ربگرن.
شاندێ ساخله‌میێ كو پێكهاتیه ژ 20 كه‌سان، هه‌ر ئه‌ڤرۆ سه‌ره‌دانا سه‌نته‌رێ زانست یێ نوژداریا خێزانێ و نه‌خوشخانا سوتنێ و نشته‌رگه‌ریا جوانكاریێ كر و ژ نێزیك ل سه‌ر سه‌روبه‌رێ وان و ئه‌و خزمه‌تێن ل وێرێ دهێنه پێشكێشكرن هلبوون.
د. ئومێد عه‌لی كو سه‌رپه‌رشتیا شاندی دكه‌ت دیاركر كو سه‌ره‌دانا بۆ ده‌مێ چوار رۆژان دێ ڤه‌كێشیت و تێدا دێ سه‌ره‌دانا چه‌ند ده‌زگه‌هێن ساخله‌میێ و نه‌خوشخانه‌یان كه‌ن و داكو بزانن سیسته‌مێ چاره‌سه‌ریا نه‌خوشان چه‌وانه و ئه‌و دێ چه‌وان شێن هه‌رده‌ما پێدڤی مفای ژ خزمه‌تێن نوژدارێن تایبه‌تمه‌ند وه‌ربگرن كو نهو ئه‌ڤ سیسته‌مه ل پارێزگه‌ها دهۆكێ پێشكه‌فتی یه و گوت: شێوازێ كاركرنێ ل ده‌زگه‌هێن ساخله‌میا دهۆكێ گه‌له‌ك جوداهی هه‌نه و ئه‌م ب فه‌ری دزانین بشێین مفای ژێ وه‌ربگرین.
ئه‌ڤ مالپه‌ره فرێکه
