تیمه‌كێ‌ نشته‌رگه‌ریێن جوانكاریێ‌ دێ‌ گه‌هیته‌ نه‌خوشخانا تایبه‌تمه‌ندیا سوتنێ‌ نشته‌رگه‌رێین جوانكاریێ‌ ل پارێزگه‌ها دهۆكێ‌

‌ ب هه‌ڤكاری دناڤبه‌را رێڤه‌به‌ریا گشتی یا ساخله‌میا پارێزگه‌ها دهۆكێ‌ و سلێمانیێ‌ دا، و ژپێخه‌مه‌ت باشتركرنا خزمه‌تێن ساخله‌میێ‌ دوارێ‌ كریارێن نشته‌رگه‌ریا جوانكاریێ‌ دا، و ل دووڤ پلانه‌كا كاری، بریار ئه‌وه‌ ل رێكه‌فتی (18/2/2010 ) تیمه‌كێ‌ تایبه‌تمه‌ندێ‌ نشته‌رگه‌ریێن جوانكاریێ‌ سه‌ره‌دانا (نه‌خوشخانا تایبه‌تمه‌ندیا سوتنێ‌ و نشته‌رگه‌ریێن جوانكاریێ‌ ل پارێزگه‌ها دهۆكێ‌) بكه‌ت. تیمێ‌ ناڤبری یێ‌ پێكهاتیه‌ ژ پروفیسور و نوژدارێ‌ تایبه‌تمه‌ندێ‌ نشته‌رگه‌رێین جوانكاریێ‌ ( د. ئاری ره‌حیم زه‌نگه‌نه‌ ) ب هه‌ڤالینیا نوژدارێ‌ تایبه‌تمه‌ندێ‌ نشته‌رگه‌رێن جوانكاری ( د. كردو اكرم محمد ) ئه‌ڤ تیمه‌ دگه‌ل نوژدارێ‌ تایبه‌تمه‌ندێ‌ بێ‌ هوشكرنێ‌ ( د. محمد صالح حمید )رێڤه‌به‌رۆێ‌ نه‌خوشخانا سوتنێ‌ و نشته‌رگه‌ریێن جوانكاریێ‌ و ب هاریكاریا ستاڤێ‌ نه‌خوشخانێ‌ دێ‌ كارێ‌ خۆ ئه‌نجام ده‌ن و بریار ئه‌وه‌ دڤێ‌ سه‌ره‌دانێ‌ دا هه‌ردوو نوژدارێن ناڤهاتی ژماره‌كا نه‌خوشێن تووشی كرێتیێن له‌شی بووین ژئه‌گه‌رێ‌ زكماكی یان روودانان بهێنه‌ نشته‌رگه‌ری كرن و د ڤێ‌ سه‌ره‌دانێ‌ دا بریار ئه‌وه‌ ( 10) نشته‌رگه‌ریێن جوانكاریێ‌ بهێنه‌ ئه‌نجامدان.