نوونه‌ریا سندوقا به‌نكا نیڤ ده‌ولی سه‌را پرۆژه‌یێ، پارێزگه‌ها دهوكێ‌ دا

ل رۆژا ئه‌ینی 19/2/2010 و ل ده‌مژمێر 10,30 سپێدێ‌ (د. كالینا مات) نوونه‌رێ‌ سندوقا بیه‌نكا نیڤ ده‌ولی ب هه‌ڤالینیا چه‌ند ئه‌ندازیاران سه‌ره‌دانا به‌نكا خوینێ‌ ل پارێزگه‌ها دهوكێ‌ و پرۆژێ‌ ئاڤاكرنا سه‌نته‌ره‌كێ‌ هه‌وارهاتنێ‌ دا كو هه‌ردو پرۆژه‌ ب پشته‌ڤانیا وان دهێنه‌ نووژه‌نكرن و ئاڤاكرن. د روونشتنه‌كێدا دگه‌ل رێڤه‌به‌رێ‌ گشتیێ‌ ساخله‌میا پارێزگه‌ها دهوكێ‌ (د. عه‌بدوللا سه‌عید عه‌بدوللا) و رێڤه‌به‌رێ‌ به‌نكا خوینێ‌ و ژماره‌كا ئه‌ندازیاران هه‌ردو لایان ته‌كه‌ز ل سه‌ر چاوانیا برێڤه‌چوونا پرۆژه‌یان كر و دیسان پێدڤیێن پرۆژه‌یان بهێنه‌ دابینكرن. ل دور وێ‌ سه‌ره‌دانێ‌ د.عه‌بدوللا سه‌عید عه‌بدوللا دیاركر كو حكومه‌تا هه‌رێما كوردستانێ‌ ب پشته‌ڤانیا سندوقا به‌نكا نیڤ ده‌ولی كوژمێ‌ 800 ملیون دولاران بۆ چه‌ند پرۆژه‌یێن ساخله‌میێ‌ ل هه‌رێما كوردستانێ‌ ته‌رخانكرینه‌ و گوت: ل پارێزگه‌ها دهوكێ‌ به‌نكا خوینێ‌ ب كوژمێ‌ (157) ملیون دولاران دهێته‌ نووژه‌نكرن و هه‌موو قێدڤیێن وێ‌ دێ‌ هێنه‌ دابینكرن و دیسان بۆ سنته‌رێ‌ فریاگوزاری ژی كوژمێ‌ ( 165) ملیون ته‌رخانكرینه‌ كو دێ‌ هه‌موو خزمه‌تێن فریاگوزاریێن ده‌ستپێكێ‌ بۆ روودانان تێدا هێنه‌ پێشكێشكرن.