سه‌نته‌رێ‌ چاندنا گولچیسكان ب چاندنا گولچیسكه‌كێ‌ كه‌ته‌ كاری

ل رۆژا شه‌مبی رێكه‌فتی 20/2/2010 سه‌نته‌رێ‌ تایبه‌تمه‌ند ب چاندنا گولچیسكان ل پارێزگه‌ها دهۆكێ‌ ب چاندنا گولچیسكه‌كێ‌ بۆ نه‌خوشه‌كێ‌ پێدڤی كه‌ته‌ كاری. ستافه‌كێ‌ تایبه‌تمه‌ند ب چاندنا گولچیسكان لێ‌ هاتیه‌ دامه‌زراندن و ب سه‌رپه‌رشتیا د. عه‌بدوللا سه‌عید عه‌بدوللا، وه‌كو تایبه‌تمه‌ندێ‌ نشته‌رگه‌ریا گشتی و د. شاكر سه‌لیم بالندی، تایبه‌تمه‌ندێ‌ نه‌خوشیێن گولچیسكان و میزه‌رۆیێ‌ و ژماره‌كا نوژدار و كارمه‌ندێن ساخله‌میێ‌ تێدا كاردكه‌ن. هه‌ژی یه‌ كو به‌ری نوكه‌ ژی كریارێن چاندنا گولشیسكان دهاتنه‌ ئه‌نجامدان دناڤ ئاڤاهێ‌ نه‌خوشخانا ئازادی یا فێركرنێ‌ دا ل پارێزگه‌ها دهۆكێ‌، به‌لێ‌ ب ڤه‌بوونا ڤی سه‌نته‌رێ‌ تایبه‌تمه‌ند دێ‌ خزمه‌تێن به‌رفره‌هتر بۆ نه‌خوشێن گولچیسكان و ب تایبه‌ت دوارێ‌ چاندنا گولچیسكان دا دێ‌ هێنه‌ پێشكێشكرن.