شاندێ نوژدارێن ئیتالی گههشته پارێزگهها دهۆكێ
ب مهرهما ئهنجامدانا چهند چالاكێن پزیشكی تهندروستی ل پارێزگهها دهۆكێ رۆژا 17/4/2010 شاندهكێ نوژدارێن ئیتالی كو پێكهاتیه ژ حهفت نوژداران گههشته پارێزگهها دهوكێ و ل نهخوشخانا ئازادی یا فێركرنێ دهست ب كارێ خو كرن، د كومبوونهكێ دا (د. عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهوكێ دیاركر كو ئهڤه چهند ساله هاریكاری ژلایێ رێكخراو و نوژدارێن ئیتالی دگهل ههرێما كوردستانێ و پارێزگهها دهۆكێ دهێته كرن و هیڤی خواست كو نوژدارێن دهوكێ ژی دگهل كاربكهن داكو بشێن ب ئهركێ خو رابین و گوت: بههرا پتر ئهڤ شانده دهێن بۆ چارهسهركرنا وان زارۆكێن كو ب زهحمهته چارهسهریا وان بهێته كرن و بابهتێ دوێ ژی ئهوه كو ستافێ مه فێری وان كارا ببیت و دیسان گوت: ڤهگوهاستنا پێزانینا ژ وهلاتهكێ بۆ ئێكێ دیتر ئێك ژ ئارمانجێن سهرهكیێن مهیه.
یولێ پێنتو، سهروكا رێكخراوا ( SIA ) یا ئیتالی كو سهرپهرشتیا شاندێ نوشدارێن ئهوێ هاتیه پارێزگهها دهۆكێ دكهت گوت: ئهڤهشاندێ دوێ یه ل سالا 2010 كو سهرهدانا پارێزگهها دهۆكێ دكهن و دیاركر ژی كو هاتنا ڤی شاندی دو ئارمانجێن سهرهكی یێن ههین ئێك ژوان چارهسهركرنا زارۆكانه ئهوێن چارهسهریا وان ب زهحمهت ل كوردستانێ و ئارمانجا دوێ ژی فێركرن و راهێنانا ستافێ كاری یه ل پارێزگهها دهۆكێ و گوت: ئهڤ تیمێ ڤێ جارێ هاتی بریتیه ژ چوار پشكێن جودا كو پێكهاتینه ژ نهخوشیێن دلی یێن زارۆكان كو بریار ئهوه ب رێكا قهستهرێ دورێن 30 زارۆكان چارهسهربكهن و بابهتێ دوێ نهخۆشیێن گشتی یێن زارۆكانه كو دگهل نوشدارێن پارێزگهها دهوكێ پێ راببین كو ب شێوازهكێ باشتر چارهسهریا نهخوشیێن زارۆیان ببینن و ههروهسا چاوانیا خوپاراستن ل گهلهك نهخوشیێن زكماكی و تایبهتمهندیا دی یا شاندی ئهوه كو دوارێ نهخوشیێن ژنان و زاروكبوونێ دا دێ كاركهن و دگهل نوشدارێن ژنان دێ سهحكهنه سهروبهرێ ساخلهمیا ژنان ب شگتی كا چاوایه ل پارێزگهها دهۆكێ و دووماهیێ ژی تایبهتمهندێن وارێ تاقیگههێ نه كو تاقیگهه زور یا گرنگه بۆ چارهسهریا نهخوشیان ژبو هندێ ئهم نهخوشیان دهستنیشان بكهین، یولی پێنتو دیاركر ژی كو تایبهتمهندێن تاقیگههێ دێ دگهل نوشدارێن دهوكێ روونن خوارێ ژبۆ هندێ كو ئهو ئامیرێن ل دهوكێ ههین پێكڤه ل سهر كاربكهن و نوشدارێن دهۆكێ باشتر ژێ بزانن.
ژلایێ خوڤه د. عهبدوللا سهعید عهبدوللا، رێڤهبهرێ گشتی یێ ساخلهمیا پارێزگهها دهۆكێ دیاركر كو نوكه سهنتهرهكێ تایبهت ب نهخوشیێن دلی ل پاریزگهها دهۆكێ ل ژێر ئاڤاكرنێ یه و د قوناغێن دووماهیی دایه و گوت: ب دووماهی هاتنا ڤی سهنتهری ئهم دێ گهلهك مفای ژێ سهربورێن نوشدارێن ئیتالی ببینین دوارێ چارهسهركرنا نهخوشیێن دلی یێن زكماكی ل دهڤ زارۆیان.
شاندێ نوشدارێن ئیتالی ب هاریكاریا رێكخراوا هیڤی و رێڤهبهریا گشتی یا ساخلهمیا پارێزگهها دهۆكێ هاتیه پارێزگهها دهۆكێ كو ژ حهفت نوشدارێن تایبهتمهند پێكهاتیه و بۆ دهمێ حهفتیهكێ دێ ل دهۆكێ مینن.