نه‌خوشخانه‌یێن توركی دڤێت وه‌به‌رهێنانێ ل پارێزگه‌ها دهۆكێ بكه‌ن
هاتیه بلاڤکرن روژا ئێک شه‌مبێ, 18 نيسان 2010 - 1:14pm
ب مه‌ره‌ما هه‌ڤناسین و ئه‌نجامدانا چه‌ند پرۆژه‌یێن وه‌به‌رهێنانێ د كه‌رتێ ساخله‌میێ دا ل پارێزگه‌ها دهۆكێ، ئه‌ڤرۆ د. عه‌بدوللا سه‌عید عه‌بدوللا رێڤه‌به‌رێ گشتیێ ساخله‌میا پارێزگه‌ها دهوكێ پێشوازی ل شانده‌كێ ( میدیكانا گرۆپ) یا توركی كو پێكهاتی بوو ژ چوار نوژداران كر.
ل به‌راهیێ د. لوتفی شیمشه‌ك سه‌روكێ شاندی به‌حسێ مه‌ره‌ما سه‌ره‌دانا خو كر و دیاركر كو وان دڤێت پشكداریێ د پێشڤه‌برنا كه‌رتێ ساخله‌میێ ل پارێزگه‌ها دهۆكێ دوارێ وه‌به‌رهێنانێ دا بكه‌ن و خواست كو ساخله‌میا دهوكێ هه‌ڤكاریێ دگه‌ل بكه‌ت دوارێن ( چاره‌سه‌ركرنا نه‌خوشخان و راهێنانا نوژدار و ستافێ ستافیێ) دا و دیسان گوت: نه‌خوشخانا مه هه‌موو پشكێن پێدڤی ب خوڤه دگریت و ئێك ژ نه‌خوشخانێن مه‌رتێ تایبه‌ته كو خزمه‌تێ دوارێن جودا جودا یێن ساخله‌میێ دا پێشكێشی وه‌لاتیێن تورك دكه‌ت و خواست كو رێك بۆ بهێته دان دوارێ وه‌به‌رهێنانێ دا ڤان خزمه‌تان بینن پارێزگه‌ها دهۆكێ ژی.
د. عه‌بدوللا سه‌عید عه‌بدوللا رێڤه‌به‌رێ گشتیێ ساخله‌میا پارێزگه‌ها دهۆكێ بۆ دیاركر كو یاسایا وه‌به‌رهێنانێ ل هه‌رێما كوردستانێ یاسایه‌كا به‌رفره‌هه و رێكێ ل هه‌موو كومپانیێن بیانی ڤه‌دكه‌ت كار دناڤ هه‌رێمێ دا بكه‌ن و بۆ دیاركر كو دوارێ نه‌خوشیێن گران دا حكومه‌تا هه‌رێما كوردستانێ هاریكاریا نه‌خوشان دكه‌ت و نه‌خوش ئازادن هه‌ر جهێ قه‌ست بكه‌نێ چاره‌یا خو بكه‌ن.
دیسان ژێ خواست كو ئه‌و دشێن پشكه‌كا تایبه‌ت یان نه‌خوشخانه‌یه‌كا توركی یا تایبه‌ت ل پارێزگه‌ها دهۆكێ ڤه‌كه‌ن و خزمه‌تا نه‌خوشان بكه‌ن.
دوارێ چاره‌سه‌ریێ ل نه‌خوشخانێن حكومی ژی د. عه‌بدوللا سه‌عید عه‌بدوللا بو دیاركر كو دێ مفا ژشیانێن نوژدارێن وان هێته كرن بۆ پاشه‌رۆژێ دگه‌له‌ك واران دا.
ئه‌ڤ مالپه‌ره فرێکه
