وهزارهتا ساخلهمیا ههرێمێ پروتوكولێن هاریكاری دگهل وهزارهتا ساخلهمیا ئوردنێ ئیمزاكر
ل دووڤ داخوازیا وهزارهتا ساخلهمیا وهلاتێ ئوردن، شاندهكی ژ وهزارهتا ساخلهمیا ههرێما كوردستانێ ب سهروكاتیا (د. تاهر ههورامی) وهزیرێ ساخلهمیێ و (د. عهبدوللا سهعید عهبدوللا) رێڤهبهرێ گشتی یێ ساخلهمیا پارێزگهها دهۆكێ و (د. شێروان مسلح عهبدولكهریم) شیرهتكارێ جوانكاریێ، ل رۆژێن 22-25/6/2010 سهرهدانا وهلاتێ ئوردن كرن.
د. ( عبدالله سعید عبدالله ) رێڤهبهرێ گشتی ساخلهمیا پارێزگهها دهوكێ دیاركر :
دڤێ سهرهدانێ دا روونشتنێن تایبهت دگهل وهزیرێ ساخلهمیا ئوردنی ( د. نایف هایل الفایز) و چهند شیرهتكارێن وهزارهتێ كرن و دڤان كومبوونان دا ههردو ئالی ل دور رهوشا ساخلهمیێ ئاگههداربوون و پێكڤه رێككهفتن كو هاریكاریا ههرێمێ دوارێ پێشڤهبرنا ساخلهمیێ دا بهێته كرن وهك ( شاندنا نوژدارێن تایبهتمهند و پهرستاریێ و ئهندازیاریا پزیشكی و بهنكێن خوینێ) و دیسان داخواز ژ وهزارهتا ساخلهمیا ئوردنی هاته كرن خولێن مهشقكرنێ دوارێن جودا جودا دا بهێنه ڤهكرن و ل دووڤ پێدڤیا ههرێمێ نوژدارێن ئوردنی بهێنه شاندن بو خزمهتكرنێ ل كوردستانێ و ههروهسان رێڤهبهرێ گشتی گوت رهوشا نهخوشێن كوردستانی ئهوێن دچنه وهلاتێ ئوردن هاته بهحسكرن و دوو خالێن گرنگ دناڤبهرا ههردو ئالیان دا هاتنه گهنگهشهكرن ژ وان ئێك : داكو نهخوشێن مه سهرگهردان نه بن و نهكهڤنه دهستێن بازرگانان بریارئهوه كو نڤێسینگهههكا تایبهت ل فروكخانا ئوردن بهێته ڤهكرن داكو پێشوازیا نهخوشان بهێتكرن و ههر كهسهك ل دیڤ راپورتا نوژداری ژ لێژنێن مهیێن تایبهت ل ههرێما كوردستانێ دهێنه دان و ب رێكا وهزارهتا ساخلهمی یا ههرێما كوردستانێ دهێنه دان كو بهری نهخوش بچین دێ ناڤێن وان دێ هێنه هنارتن بو وی وهلاتی ههم ژ بو چونا وان بو وی وهلاتی یا ن وهرگرتنا فیزێ ب ساناهی بكهڤیتن و ههم بو هندێ بشێن بچنه نهخوشخانهكێ و ب درستی بهێنه چارهسهركرن , و ههروهسا ههر ژ جهنابێ وهزیری ههتا یێ خوارێ رهزامهندیا خو دیاركر ژ بو هاریكاری و ئاسانكاری دگهل ههرێما كوردستانێ خورتر لێبێت و مه ب فهرمی دهعوهتا جهنابێ وهزیری دگهل شاندهكێ بلند ژ بهرپرسێن وهزارهتا ساخلهمی و رێڤهبهرێن نهخوشخانێن میری و كهرتێ تایبهت سهرهدانا ههرێما كوردستانێ بكهن و بابهتێن پروتوكولی هێشتان یێن مایین تاكو ئهڤ سهرهدانه بهێته رێكخستن و هێشا چ ژڤان بو نههاتینه دهستنیشانكرن و چاڤێرێه كو ئهو بابهتێن هاتینه گهنگهشهكرن دسهرهدانامهدا ئهم رینهخارێ ئهڤان بابهتا گهنگهشه بكهین كا چ پێشڤهچون چێبوینه و تا چ راده ئهڤ بریارێن هاتینه دان دڤی وارهیدا دێ كهڤنه وارێ جێبهجێكرنێ و بریار ئهوه كو ئهم داخوازێ ژ خودان راس مالێن ئوردن ب تایبهت دوارێ ساخلهمیدا كو ل وهلاتێ مهژی وبهرههئینانێ بكهن پروژێن ساخلهمی ههڤكاری دگهل لایهنێن كوردستانی ئهم بشێن هندهك نهخوشخانێن تایبهتمهند و سهنتهرێن تایبهتمهند ههڤكاری و هارێكاریا وان ئهم ل ههرێما كوردستانێ ئاڤا بكهین ل جهێ خهلكێ قهستا ڤان وهلاتا ن بكهت و ئهڤ سهنتهر ل كوردستانێ بهێنه چێكرن , ههرد ڤێ سهرهدانێدا مهسهرهدانا نڤێسینگهها بالیوزخا عیراقێ كر و لوێری ( د. وهسهن ) بهرپرسا ڤێ نڤێسینگههێ یه و بریار ئهوه كو ههڤكاری و هاریكاری دگهل ڤێ نڤێسینگههێ ژی بهێتهكرن و رولێ ڤێ نڤێسینگههێ زور زور یێ گرنگه ژ بو هاریكاریكرنا وهلاتێن كوردستانێ و عیراقێ بكهت ئهگهر هات و ئاریشهك یان گرڤتهك یا ساخلهمی كهڤته پێشیا وان ئهڤ نڤێسینگههه خو لێیكهته خودان و ل دوماهیێ ئهز هیڤی خوازم بو ئهڤ وهلاتێن دهورو بهر بنێزیكی مهن ب كهلتور و دیموكراسی و مێشكی ڤه و مڤایێ ژ كهلتور و پێشڤهچونا وان وهرگرین و پتر خزمهتا وهلاتێن كوردستانێ بكهین .....
راگههاندنا ساخلهمیا پارێزگهها دهوكێ