مه‌زنترین هه‌وا به‌رهنگاریا نارگیلێ‌ ل هه‌رێما كوردستانێ‌ دێ‌ ده‌ستپێ‌ كه‌ت

ژبۆ وێ‌ چه‌ندێ‌ كو پێهه‌لتر دیارده‌یا كێشانا نارگیلێ‌ دناڤ گه‌نجێن كوردستانێ‌ دا به‌لاڤ نه‌بیت، و كێمكرن و كونترولكرنا ڤێ‌ دیارده‌یێ‌ ل كوردستانێ‌، وه‌زاره‌تا ساخله‌میا ل رۆژا 22/8/2010 دێ‌ رابیت ب ئه‌نجامدانا مه‌زنترین هه‌وا به‌رهنگاریا كێشانا نارگیلێ‌ ل ژێر درووشمێ‌( نارگیله‌ مرنه‌كا هێدی و ب ئازاره‌).
ئه‌ڤه‌ ماوه‌یه‌كه‌ نارگیله‌ دناڤ لاوان و كاسبكارێن كوردستانێ‌ دا به‌ر ب زێده‌بوونێ‌ یه‌ و یا بوویه‌ دیارده‌یه‌كا مه‌ترسیدار و هێرشێ‌ ل سه‌ر ساخله‌میا وه‌لاتیان دكه‌ت.
ل ده‌ستپێكێ‌ كێشانا نارگیله‌یان وه‌كو چاڤلێكرن بوو، به‌لێ‌ نوكه‌ یا بوویه‌ مۆده‌ و گه‌نج پێڤه‌ هاتینه‌ گرێدان، ژپێخه‌مه‌ت رێگرتن و نه‌هێلانا پتر به‌ربه‌لاڤبوونا ڤێ‌ دیارده‌یا ترسناك و دانانا سنوره‌كی بۆ زیانێن كێشانا نارگیلێ‌ و جگارێ‌ بۆ سه‌ر ساخله‌میا گشتی، وه‌زاره‌تا ساخله‌میێ‌ ب هه‌ڤكاریا لایه‌نێن په‌یوه‌ندیدار و رێكخراوێن جڤاكێ‌ مه‌ده‌نی دێ‌ ده‌ست ب هه‌وه‌كا به‌رفره‌ه یا به‌رهنگاربوونا دیارده‌یا نارگیلێ‌ و جگاره‌كێشانێ‌ ل كوردستانێ‌ كه‌ن و ب تایبه‌ت ل جهێن گشتی ب ئارمانجا پاراستنا ساخله‌میا وه‌لاتیان و په‌یداكرنا ژیانه‌كا ساخله‌م و داهاتیه‌كێ‌ ساخله‌م و ره‌وشه‌ن بۆ گه‌نج و لاوێن كوردستانێ‌.
هه‌وا به‌رهنگاربوونا نارگیلێ‌ ل رۆژا 22/8/2010دێ‌ رێیه‌ك بیت بۆ هشیاركرن و هاندانا گه‌نجان بۆ دووركه‌فتن و هێلانا كێشانا جگاره‌یان و ناگیلێ‌ و لیژنه‌یه‌كا تایبه‌ت ل وه‌زاره‌تا ساخله‌میێ‌ و لایه‌نێن په‌یوه‌ندیدار دێ‌ هێته‌ دانان بۆ دانانا رێك و جهێن تایبه‌ت و دووڤچوون و چاڤدێریا بجهئینانێ‌، بۆ به‌رهنگاربوونا ڤێ‌ دیاردێ‌ ل جهێن گشتی و ئه‌و لیژنه‌ دێ‌ رابیت چالاككرنا یاسایا قه‌ده‌غه‌كرنا جگاره‌كێشانێ‌ ل جهێن گشتی یێن هه‌رێما كوردستانێ‌.






نامه‌یێن هه‌وا هشیاركرنێ‌ ژ زیانێن نارگیلێ‌

گه‌نج ولاوێن خوشتڤی....
كێشانا نارگیلێ‌ ئه‌گه‌رێ‌ توشبوونێ‌ یه‌ ب په‌نجه‌شێرا ده‌ڤی، سینگ، میزلدان و نه‌خۆشیێن كوئه‌ندامێ‌ هه‌ناسێ‌ و خولا خوینێ‌ و دلی و جه‌لته‌یا مێشكی و ئێشا زراڤ.
راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌

گه‌نج و لاوێن خوشڤی.....
هوون پاشه‌روژا نه‌ته‌وا مه‌نه‌، ب دوور كه‌تنێ‌ ژ كێشانا نارگیلێ‌، دێ‌ پاشه‌رۆژه‌كا ساخله‌م بۆ خۆ و نه‌ته‌وا خۆ مسوگه‌ر كه‌ن.
راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌

گه‌نج و لاوێن خوشتڤی....
كێشانا نارگیلێ‌ گه‌له‌ك ب مه‌ترسیتره‌ ژ كێشانا جگارێ‌، ده‌ست ژێ‌ به‌رده‌ و ژیانه‌كا ساخله‌م بۆ خۆ ب ڤه‌گه‌رینه‌ڤه‌.
راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌

گه‌نج و لاوێن خوشتڤی....
نارگیله‌ و جگاره‌كێشان مرنه‌كا هێدی و ب ئازارن، ده‌ست ژێ‌ به‌رده‌ و ژیانێ‌ ب هه‌لبژێره‌.
راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌

گه‌نج و لاوێن خوشتڤی:
كێشانا ئێك نارگیله‌یێ‌ وه‌ك كێشانا (10-15) جگاره‌یان زیانێ‌ دگه‌هینیته‌ ساخله‌میا ته‌.
راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌

گه‌نج و لاوێن خوشتڤی....
واز ل كێشانا نارگیلێ‌ بینه‌ و پاشه‌رۆژا خۆ مسوگه‌ر بكه‌.
راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌

دایك و بابێن خوشتڤی...
كێشانا نارگیلێ‌ مرنه‌كا هێدی یه‌ بۆ زارۆیێن وه‌، هاریكاریێ‌ دگه‌ل بكه‌ن كو ده‌ست ژ كێشانا وێ‌ به‌رده‌ن.

راگه‌هاندنا رێڤه‌به‌ریا گشتی یا ساخله‌میا پارێزگه‌ها دهۆكێ‌