ئاڤاهیێ سه‌نته‌رێ نشته‌رگه‌ریا دلی ل پارێزگه‌ها دهۆكێ ل دووماهیا هه‌یڤا 10 دێ ب دووماهی هێت
هاتیه بلاڤکرن روژا جارشه‌مبێ, 8 ئه‌یلول 2010 - 12:39pm
ژ پێخه‌مه‌ت نێزیك سه‌رهلبوونا كارێن كو ل پرۆژێ سه‌نته‌رێ نشته‌رگه‌ریا دلی دهێنه كرن و قوناغێن تێدا دبوریت، ئه‌ڤرۆ 7/9/2010، د. عه‌بدوللا سه‌عید عه‌بدوللا رێڤه‌به‌رێ گشتی یێ ساخله‌میا پارێزگه‌ها دهۆكێ ب هه‌ڤالینیا د. شاكر سه‌لیم بالندی رێڤه‌به‌رێ نه‌خوشخانا ئازادی یا فێركرنێ و چه‌ند ئه‌ندازیاران، سه‌ره‌دانا پرۆژێ ناڤهاتی هاته كرن و د گه‌ریانه‌كێ دا د ناڤ سه‌نته‌ری دا ژ نێزیك چه‌ند رێنما ئاراسته‌ی ئه‌ندازیار و سه‌رپه‌رشتێن پروژه‌ی هاتنه كرن، هه‌ژی یه كو پرۆژێ سه‌نته‌رێ نشته‌رگه‌ریا دلی ل سه‌ر بودجه‌یا پارێزگه‌ها دهۆكێ ب كوژمێ (4) چوار ملیار دیناران دهێته بجهئینان و دێ بیته ئێكه‌م سه‌نته‌ر كو نشته‌رگه‌ریێن دلی ب شێوازێن نوو لێ بهێنه ئه‌نجامدان و بڕیار ئه‌وه ل دووماهیا هه‌یڤا (10/2010) كارێن وی وه‌كو ئاڤاهی ب دووماهی بهێن و پرۆژه دێ ب كوژمێ پتر ژ (6) شه‌ش ملیار دیناران دێ هێته ته‌جهیزكرن ب ئامیرێن پزیشكی و كه‌ل و په‌لێن پێدڤی یێن سه‌نته‌ری.
ئه‌ڤ مالپه‌ره فرێکه
