هه‌یڤا جیهانی یا په‌نجه‌شێرا مه‌مكی ب چه‌ندین چالاكییا ل دهوكێ‌ برێڤه‌ دچیت

به‌رپرسا هوبا ئێشێن نه‌ڤه‌گر ل پشكا خوپاراستنا ساخله‌میا دهوكێ‌ دا دیاركرن كو هه‌یڤا جیهانی یا دژی په‌نجه‌شێرا مه‌مكی ل پارێزگه‌ها دهوكێ‌ ب چه‌ندین چالاكیا دهێته‌ ساخكرن .
وه‌فا‌و سالح روشدی خویاكر بو ڤێ‌ مه‌هێ‌ به‌رنامه‌كێ‌ برێك و پێك وه‌كو هه‌مو جیهانێ‌ ل چریا ئێكێ‌ ئه‌ڤ بیره‌وه‌ری یه‌ دئێته‌ ساخكرن و رێڤه‌به‌ریا گشتی یا ساخله‌میێ‌ چه‌ندین بزاڤا دێ‌ ئه‌نجام ده‌ت بو هشیاركرنا ئافره‌تێ‌ ژ بو پشكنینا پێش وه‌خت یا ڤێ‌ نه‌خوشیێ‌ و گوت :نوكه‌ ده‌ست ب به‌رنامێ‌ سمینارا هاتیه‌ كرن بو ئاماده‌یێن كچان و په‌یمانگه‌ه و زانكویێ‌ كو دێ‌ نوژدارێن مه‌ ب رێكا به‌رنامێ‌ هشیاركرنێ‌ سمینارێن خو پێشكێش كه‌ن بو وێ‌ چه‌ندێ‌  ئافره‌ت یا به‌رده‌وام بیت لسه‌ر پشكنین و پاراستنا ساخله‌میا خو .
وه‌فائێ‌ ئه‌وژی خویاكر زێده‌باری به‌رنامێ‌ پێشكێش كرنا سمینارا دێ‌ لوگویه‌كێ‌ تایبه‌ت كرێدایی ڤێ‌ هه‌لكه‌فتێ‌ ب ره‌نگێ‌ پیڤازی ئێته‌ به‌لافكرن لسه‌ر ئافره‌تا و دیسان ژماره‌كا زورا پوسته‌را و تێدا هاتیه‌ كو به‌رده‌وام ئافره‌ت پشكنینا مه‌مكێ‌ خو بكه‌ت و دگه‌ل هندێ‌ دا هه‌ر نیشانه‌كا نه‌خوشیێ‌ لده‌ف هه‌بیت سه‌ره‌دانا نوژداری بێته‌ كرن.
ئه‌ف هه‌یڤه‌ دهێته‌ ساخكرن ب مه‌ره‌ما وێ‌ چه‌ندێ‌ كو سالانه‌ ژماره‌كا زورا وه‌لاتیان ل جیهانێ‌ توشی ڤێ‌ نه‌خوشیێ‌ دبن و گیانێ‌ خو ژ ده‌ست دده‌ن ژ به‌ر هندێ‌ رێكخراوا ساخله‌میا جیهانی گرنگیه‌كا مه‌زن پێ‌ دده‌ت .