ب كوژمێ 14,930,843,976 دیناران بهرێ بنیاتی بۆ سێ پرۆژهیێن ساخلهمیێ هاته دانان
ب ئامادهبوونا بهرێز تهمهر رهمهزان پارێزگهرێ دهۆكێ و ماج سهید صالح قایمقامێ قهزا دهۆكێ و رێڤهبهرێن گشتی یێن ساخلهمیێ و پهروهردێ و چاڤدێریا جڤاكی و كارهبێ و چهند رێڤهبهرێ، دی یێن دام و دهزگههێن حكومی، ئهڤرۆ 1/11/2010 بهرێ بنیاتی بۆ چهندین پرۆژهیان هاته دانان كو سێ ژوان یێن رێڤهبهریا گشتی یا ساخلهمیا پارێزگهها دهۆكێ بوون.
ل دهستپێكێ بهرێ بنیاتی بۆ پرۆژێ سهنتهرێ ساخلهمیا دهروونی ب كوژمێ ( 1,845,545,240) دیناران هاته دانان و پاشی بهرێ بنیاتی بۆ پرۆژهیێ ئاڤاكرنا نهخوشخانا چاڤان ب كوژمێ ( 10,643,309,256) دیناران هاته دانان و دیسان بهرێ بنیاتی یێ نووژهنكرن و بهرفرههكرنا نهخوشخانا تایا یا كهڤن كو ببیته نهخوشخانا ژنان و زارۆكبوونێ ب كوژمێ ( 2,441,989,480) دیناران هاته دانان و سهرجهمێ گشتیێ ڤان پرۆژهیان دبیته (14,930,843,976) دینارێن عیراقی.
سهبارهت پرۆژهیێن ناڤبری (د. عهبدوللا سهعید عهبدوللا) رێڤهبهرێ گشتیێ ساخلهمیا پارێزگهها دهۆكێ دیاركر كو ب ئاڤاكرنا ڤان پرۆژهیان دێ گهلهك ژ كیبَم و كاسیێن دهزگههێن ساخلهمیێ هێنه پركرن و گوت: بۆ ئێكهم جاره نهخوشخانهیهكا تایبهتمهند ب نهخوشیێن چاڤان ڤه ل دهۆكێ ڤهببیت و دیسان دێ رهوشا زارۆبوونێ ژی بهر ب باشتر چیت و د پلانێ دایه كو د سالا 2011ێ دا نهخوشخانهیهكا تایبهت ب ژنان و زارۆكبوونێ ڤه ل پارێزگهها دهۆكێ ڤهببیت.