شانده‌كێ‌ نوژدارێن ئه‌مریكی گه‌هشتنه‌ پارێزگه‌ها دهوكێ‌ بو به‌رزكرنا ئاستێ‌ نوژداریا خێزانی

   ب ئاماده‌بونا به‌رێز رێڤه‌به‌رێ‌ گشتی ساخله‌میا پارێزگه‌ها دهوك د. عبدالله‌ سعید عبدالله‌ ل هولا كومه‌لگه‌ها نوژداریا ددانا ل پارێزگه‌ها دهوكێ‌ خوله‌كا مه‌شكرن بهێزكرنا شیانێت نوژدارێن ددانا هاته‌ڤه‌كرن بو پتر ژ ( 50 ) نوژدارێن ددانا ل سه‌رانسه‌ری پارێزگه‌هێ‌ , ل سه‌ر چاره‌سه‌ریا ریدانێت ته‌نگاڤیا ل كلینێكێن نوژداریا ددانا ,  تێدا ( 4 ) سمینار هاتنه‌ پێشكێشكرن ( 3 ) یێن وه‌كی سمینار و ( 1 ) وه‌كی كاركرن ل سه‌ر ئامیرا ب ره‌نگه‌كێ‌ ئێكسه‌ر بو ئاماده‌بویا  ,د. میرزا مراد رێڤه‌به‌رێ‌ كومه‌لگه‌ها نوژداریا ددانا ل دهوكێ‌ گوت : ژ بو پێشڤه‌برنا ئاستێ‌ نوژدارێن مه‌ داكو ب گه‌هینه‌ رێزا ئاستێ‌ جیهانێ‌ ژ پێشكێشكرنا خزمه‌تێن نوژداریا ددانا بو خه‌لكێ‌ كوردستانێ‌ , و ئه‌ڤه‌ نه‌ بو جارا ئێكێیه‌ ل درێژاهیا سالێ‌ مه‌ هه‌ولدایه‌ كو رێژه‌كا باش ژ خول و مه‌شكرنا نوژدارا بو دابینكرنا باشترین رێكێن چاره‌سه‌ریا سه‌رده‌مانه‌ . د. ئیڤان نمرود تایبه‌تمه‌ندێ‌ نه‌شته‌رگه‌ریا ده‌ڤ و ددانا پدیا گوت : من د سمینارا خودا به‌حسێ‌ شلوڤه‌كرنا خواندنا هه‌می جورێن ریدانێت ته‌نگاڤیا وه‌كی ژ بیرڤه‌چون و بهێنته‌نگی یاژ نیشكه‌كێڤه‌ هاتنه‌گرتنا بورێن هه‌ناسێ‌ ب ئه‌گه‌رێ‌ كه‌تنا تشته‌كێ‌ بیانێ‌ و جه‌لتا دلی یا ژنیشكه‌كێڤه‌ , هه‌روه‌سا خواندن و چاره‌ره‌سه‌ریا نه‌خوشێن دومدرێژ بو نه‌خوشێن وه‌كی ( به‌رزبونا فیشارا خوینێ‌ – نه‌خوشیا شه‌كرێ‌ – نه‌خوشیا دلی – نه‌خوشیا بهێنته‌نگی و ره‌بو ) و یا پێدڤی بو كو ئه‌ڤ جوره‌ خوله‌ بو نوژدارو هاریكارێن وان بهێنه‌ ڤه‌كرن و كاركرن ل سه‌ر ریدانێت ته‌نگاڤیا و چاره‌سه‌ریا وان یا پێدڤیه‌ ....و   ئارمانجێن ڤان جوره‌ خولا  بهێزكرن و به‌رزكرنا ئاستێ‌  نوژداریا ددانا ل كوردستانێ‌ و ب تایبه‌ت ل پارێزگه‌ها دهوكێ‌ و نیشاندنا نوژدارێن ددانا ب نویترین رێكێن چاره‌سه‌ریا سه‌رده‌مانه‌ ل جیهانێ‌ .....