كونگرێ نیودهولهتی ل ههڤلێرا پایتهخت هاته بهستن
ل ژێر دروشمێ ساخلهمیا باشتر، وهلاتهكێ ئاڤهدانتر، وهزارهتا ساخلهمیا حكومهتا ههرێما كوردستانێ، ل ههڤلێرا پایتهخت و ل هولا شههید ماموستا سهعهد عهبدوللا و ب چاڤدێریا بهرێز (د. بهرههم صالح) سهروكێ حكومهتا ههرێما كوردستانێ و بهرێز (نوزاد هادی) پارێزگارێ ههڤلێرێ و پتر ژ(400) نوژدار و بسپور و شارهزایێ نوژداری دههمی واراندا ژكوردستانێ و عیراقێ زوربهی وهلاتێن جیهانێ كونگرێ ساخلهمیێ هاته بهستن. ل بهراهی بهرێز (د. عبد الله سعید عبد الله) وهك سهروكێ لیژنا ئامادهكاری پهیڤهكا ب خێرهاتنێ بو ههمی مێهڤانێن كونگرهی كر ود. بهرههم احمد صالح سهروكێ حكومهتا ههرێما كوردستانێ دپهیڤهكێ دا گوت: ئهم وهك حكومهتا ههرێما كوردستانێ ب ههمی شیانێت خوڤه پالپشت و ههڤكاریێ دگهل وهزارهتا ساخلهمیێ و ههر پێشكهڤتنهكا ل ههرێما كوردستانێ ئهنجام بدهت یان ههر گورانكاریهك ل سیستهمێ ساخلهمی بكهت پێدڤیه دخزمهتا عیراقا فیدرال و هیڤی دخوازم هین ههمی ب گههنه هندهك ئهنجامێن باش كو بارێ ساخلهمیێ ل كوردستانێ و عیراقێ بهرهو باشتر بچیت.
د. تاهر ههورامی وهزیرێ ساخلهمیێ ل حكومهتا ههرێما كوردستانێ گوت: یا باش و پێدڤی كو كهرتێ تایبهت دگهل كهرتێ حكومی رولێ خو ببینیت، وههردوو تهمامكهرێن ئێكن، و یا پێدڤیه باشترین و مودیرنترین چارهسهری و دهرمان و ئامیرێن نوژداری یێن ههڤچهرخ بگهڤنه دخزمهتا نهخوشێن دهڤهرێ دابن
د. عهبدوللا سهعید گوت: ئهڤ كونفرانسه ژكارێن ههره گرنگ بوو وئهڤه سهرێ شهش ههیڤانه كارێ دسهر دكهین و ئهڤ هزره ژسهردهمێ كابینا حكومهتا بهرێز نێچیرڤان بارزانی بوو وتا نوكه ل سهر دهمێ كابینا بهرێز د. بهرههم صالح هاته ئهنجامدان. و بهرههڤیهكا زورا باش یا بو هاتیه كرن وهیڤی خازم ئهم بشێین كارهكێ ژههژی پێكڤه بكهین كو دخزمهتا خهلكێ كوردستانێ دا بیت.
.