شانده‌كێ‌ نوژدارێن وه‌لاتێ‌ ئه‌لمانی سه‌ره‌دانا رێڤه‌به‌ریا ساخله‌میا پارێزگه‌ها دهوكێ‌ كرن

ل دیوانا رێڤه‌به‌ریا ساخله‌میا پارێزگه‌هادهوكێ‌ به‌رێز د. عبدالله‌ سعید عبدالله‌ رێڤه‌به‌رێ‌ گشتی ساخله‌میا پارێزگه‌ها دهوكێ‌ پێشوازیا شاندێ‌ نوژدارێن وه‌لاتێ‌ ئه‌لمانیا كر كو پێكهاتی بوو ژ پروفیسور  ( گوڵگه‌ر  ) تایبه‌تمه‌ندێ‌ نشته‌رگه‌ری و پروفیسور ( رونالدو كریستل ) مه‌ره‌ما سه‌ره‌دانا وان ئه‌وه‌ كو دێ‌ رابن ب هاریكاریكرنا نه‌خوشێن مه‌ ژ لایێ‌ وه‌لاتێ‌ ئه‌لمانیا دوارێ‌ ساخله‌میێ‌ دا كو پێكهاتیه‌ ژ كریارێن نشته‌رگه‌ریا دلی ب رێكا ڤه‌كرنا سنگی ل سه‌نته‌رێ‌ نشته‌رگه‌ریا دلی ل پارێزگه‌ها دهوكێ‌ و ئینانا تیمێن نوژدارێن ئه‌لمانی ب شێوه‌كێ‌ به‌رده‌وام بو پارێزگه‌ها دهوكێ‌ ژ بو ئه‌نجاندانا كریارێن نشته‌رگه‌ری و ڤه‌كرنا خولێن مه‌شقكرن و ڤێركرنێ‌ بو نوژدارو كارمه‌ندێن پشكا نشته‌رگه‌ری ل سه‌نته‌رێ‌ ناڤبری هه‌ژی گوتنیه‌ كو كاره‌كێ‌ وه‌سا جهێ‌ دلخوشیا رێڤه‌به‌ریا ساخله‌میا پارێزگه‌ها دهوكێ‌ یه‌ و مڤایه‌كێ‌ زور باش بو خه‌لكێ‌ ده‌ڤه‌رێ‌ یه‌ و نوژدارێن و كارمه‌ندێن مه‌ ژی دێ‌ مڤایه‌كێ‌ باش ژێ‌ وه‌رگرن