روژا جیهانێ یا ئافره‌تێ ( 8 ئادارێ ) و روژا ساخله‌میا ئافره‌تان ل عیراقا فیدرال
هاتیه بلاڤکرن روژا پێنج شه‌مبێ, 10 ئادار 2011 - 8:54am
بهه‌لكه‌فتا روژا جیهانێ یا ئافره‌تێ ( 8 ئادارێ ) و روژا ساخله‌میا ئافره‌تان ل عیراقا فیدرال , رێڤه‌به‌ریا گشتی یا ساخله‌میێ ل پارێزگه‌ها دهوكێ رابوو ب سازدانا ئاهنگه‌كێ ل هولا رێڤه‌به‌ریێ , لبه‌راهیێ پشتی ئاماده‌بووی ده‌قیقه‌كێ رێزگرتن لسه‌ر گیانێ شه‌هیدا راوه‌ستیاین په‌یڤه‌ك هاته خواندن ژ لایێ د.عبدالله سعید عبدالله رێڤه‌به‌رێ گشتی یێ ساخله‌میێ هات خواندن و تێدا ئاماژه ب ڤان هه‌ردوو هه‌لكه‌فتێن گرنگ دا و پیروزباهیێ ل گشت ئافره‌تان كر و دیاركر ئه‌م وه‌كو ساخله‌میا دهوكێ هه‌می ده‌مه‌كی د به‌رهه‌ڤین خزمه‌تا خه‌لكێ خو بكه‌ین بتایبه‌ت ژی ئافه‌تێن خو ژ پێخه‌مه‌ت جڤاكه‌كێ ساخله‌م چونكی مه زور ب گرنگی ته‌ماشه‌یی ڤێ خالێ كریه .
پاشان ده‌ست ب پێشكێشكرنا سمیناران هاته كرن لدور ماف و ئه‌ركێن ئافره‌تێ و پاراستنا ساخله‌میا وێ و دیسان شه‌رعه‌ت ب چ شێوه مافێ ئافره‌تێ ل قه‌له‌م دده‌ت , دڤی بیاڤی دا خانم ( د. ئوڤیان صبری ) ب هویری لسه‌ر رێكێن ساخله‌میا ئافره‌تێ و رێكێن زانستی یێن خوپاراستنا وێ دانه به‌چافكرن , ژ لایێ خوڤه ئه‌و شه‌رعه‌ت چ مافان ددته ئافره‌تێ بابه‌ته‌كێ دی هه‌ره گرنگ بو ژ لایێ ماموستایێ زانكویێ به‌رێز (د.فرست مرعی ) ڤه هاته پێشكێش كرن , د ئالیه‌كێ دی دا خانما پارێزه‌ر ( ئه‌ڤین هروری ) زێده‌باری به‌رچافكرن مافێن ئافره‌تێ به‌حسێ وان رێككه‌فتنێن هاتینه ئه‌نجام دان لسه‌ر پاراستنا مافێن ئافره‌تێ كر, ژ بال خوڤه خانم ( سمه‌یا سعید ) به‌حسێ دیتنێن كومه‌لێ كر لسه‌ر ئافره‌تێ و دیسان چ باشه بهێت كر نبو هندێ پتر ئافره‌ت دناف جڤاكی دار ولێ خو ببینیت .
ل دوماهیا ڤێ ئاهنگێ و ژ پێخه‌مه‌ت رێزگرتن بو ئافره‌تێ د بوارێن جودا جودا یێن تێدا كار دكه‌ت و رێزگرتن بو كارێ وان رێڤه‌به‌ریا گشتی یا ساخله‌میێ ( 30 ) ئافره‌تان لسه‌رانسه‌ری پارێزگه‌ها دهوكێ خه‌لات دكه‌ت ,
هه‌ژی گوتنێ ب ڤان هه‌ردوو هه‌لكه‌فتا رێڤه‌به‌ریا گشتی یا ساخله‌میێ به‌رنامه‌كێ چالاكیان به‌رهڤكریه كو بو ماوێ دوو حه‌فتیان بزاڤێن ژێك جودا هه‌نه لسه‌رانسه‌ری پارێزگه‌هێ .
ئهڤ مالپهره فرێکه
