سهنتهرێ هیوا یێ نهزوكی زاوكێن دناڤ شیشهیدا كهته كاری
ب گههشتنا تیمێ نوژدارێن وهلاتێ ئوردن سهنتهرێ هیوا یێ تایبهتمهند ب نشتهرگهرێن چاندنا زاروكێن دناڤ شیشهیدا كهته كاری كو پشتی كار ه زور بو ههتایه ئهنجامدان كو ژ لایێ رێڤهبهریا ساخلهمیا پارێزگهها دهوكێ هاتیه بهرههڤكرن چ ئامادهكرنا نوژدارێن بسپورو كارمهندێن شارهزا دڤی واریدا و ئاڤاهی و ئامیرێن نوژداری یێن پێشكهڤتی یێن تایبهتمهند دڤی واریدا دكتور : سامی سهمهرێن تایبهتمهندێ نهزوكی ژ وهلاتێ ئوردن گوت : ئهز گهلهك پێخوشحالم كو ئهڤرو ئهز ل وهلاتهكی ناڤێ وێ كوردستانه و هیڤی خوازم كو ئهز بشێم خزمهتا خهلكێ كوردستانێ بكهم و مڤایهكی بگههینه وهلاتێن ڤێ دهڤهرێ خودێ حهزكهت ئهزێ ماوهكێ درێژ لڤێره مینم و ههتا كو نوژدارێن كوردستانێ بو خو فێر ببن و ئهو بخو خزمهتا خهلكێ خو بكهن , د. چنار مستهفا تایبهتمهندا نهخوشێن ژن و زاروك بوونێ گوت : ب راستی نهخوشخانا ئازادی ل دهوكێ زور یا پێتڤی ئهڤی سهنتهری ههی ژ بهر زور خێزان مهل دهوكێ ههنه پێتڤی ڤان جوره نشتهرگهریا ههنه و زوربهی وان زهعیف حالن كو پێچێنابیت قهستا دهرڤهی ههرێمێ بكهن و ئهڤ سهنتهره زور یێ باشه و دێ خزمهتا وان خێزانا كهین و هیڤی خوازین كو ئهم بشێن هندهك ز ئاریشێن وان سڤك بكین ....