شانوگه‌ریا حه‌فتیا ساخله‌میا جیهانی

لژێر دوریشمێ‌ (ئه‌گه‌ر ئه‌ڤرۆ لڤین نه‌بیت ، سوباهی چاره‌سه‌ری نابیت ) بو ماوێ‌ حه‌فتیه‌كێ‌ یه‌ ب هه‌لكه‌فتا (حه‌فتیا ساخله‌میا جیهانی ) رێڤه‌به‌ریا گشتی یا ساخله‌میێ‌ ل پارێزگه‌ها دهوكێ‌ چالاكیێن جورا و جور لسه‌رانسه‌ری پارێزگه‌ها دهوكێ‌ ئه‌نجام دده‌ن . و ئه‌ڤرۆ سپێدێ‌ ئاهنگا دوماهی ئینانا ڤان چالاكیا هاته‌ گێران ل هۆلا رێڤه‌به‌ریا گشتی ب به‌رهه‌ڤبوونا ماجد سید سالح قایمقامێ‌ قه‌زا دهوكێ‌ و د.سه‌روه‌ر سادق رێڤه‌به‌رێ‌ گشتی یێ‌ ساخله‌میێ‌ ب وه‌كاله‌ت و نوینه‌رێن په‌روه‌ردا قه‌زا دهوكێ‌ و ئێكه‌تیا ئافره‌تێن كوردستانێ‌ ئه‌نجوومه‌نێ‌ پارێزگه‌ها دهوكێ‌ و ژماره‌كا ماموستا و كارمه‌ندێن ساخله‌میێ‌ .
د په‌یڤه‌كی دا قایمقامێ‌ قه‌زا دهوكێ‌ زێده‌باری ده‌ستخوشیێ‌ ل ساخله‌میا دهوكێ‌  داخوازكر پتر نوژدار و وه‌لاتێ‌ هافكارو هاریكاربن ژ بو به‌رژه‌وه‌ندیا ساخله‌میا گشتی پاشان (د.نورالدین عبدالله‌) رێڤه‌به‌رێ‌ بنگه‌هێ‌ زانین یێ‌ ساخله‌میا قوتابخانا سمیناره‌ك لدور كاریگه‌ریا حه‌فتیا ساخله‌میا جیهانی و ره‌وشتێن باش و خراب دكارێ‌ روژانه‌یێ‌ ساخله‌میێ‌ چ وه‌كو ساخله‌می بخو چ وه‌كو وه‌لاتی ) بشێوه‌یێ‌ شانوگه‌ری هاته‌ پێشكێش كرن و لدوماهیێ‌ دیاری لسه‌ر پشگدارێن شانوگه‌ریێ‌ هاتنه‌ به‌لاڤكرن .