حه‌ڤتیا ڤاكسیندانا جیهانی هاته‌ ساخكرن

ژ وان بزاڤ چالاكێن رێڤه‌به‌ریا ساخله‌میا پارێزگه‌ها دهوكێ‌ و ساخكرنا حه‌ڤتیا ڤاكسیندانا جیهانی ل هولا بنگه‌هێ‌ ساخله‌میا ده‌ستپێكی و ئاماده‌بوونا به‌رێز ( ماجد سید صالح ) قایمقامێ‌ قه‌زا دهوكێ‌ و ب ئاماده‌بونا رێڤه‌به‌رێ گشتی ساخله‌میا پارێزگه‌ها دهوكێ‌ به‌رێز د. ( عبدالله‌ سعید عبدالله‌ )
ل ژێر دروشمێ‌ (خوپاراستن و خوپارێزی ڤاكسیندانه‌)
ناڤبه‌را 24-30 هه‌یڤا 4 به‌رێز  د. عبد الله سعید گوت :
ل ده‌ستپێكێ‌ سوپاسیا ده‌یكێن زاروكێن ئاماده‌بوین دكه‌م و هیڤی خوازم كو هه‌می ده‌یك باب پیته‌یه‌كێ‌ باش بده‌نه‌ ڤاكسینێن زاروكێن خو كو ڤاكسین ژ وان كارێن هه‌ره‌ گرنگه‌ ژ بو به‌رگریا زاروكی و گه‌شه‌كرن و وه‌راا وی گرێدای ب ڤان ڤاكسینایه‌ و رێكخستنا وان ل دیڤ خشتێ‌ نوژداری بو دانایی و ڤاكسینا چ زیان تێدا نینه‌ .
 به‌رێز  ( ماجد سید صالح  ) قائمقامێ‌ قه‌زا دهوك گوت :
ل ڤان سالێن بوری رولێ‌ نوژدار و كارمه‌ندێن ساخله‌میا پارێزگه‌ها دهوكێ‌ یا دیاره‌ هه‌تا رێكخراوێن بیانێ‌ شاهدن بو ڤێ‌ چه‌ندێ‌ و ئه‌و نه‌خوشێن گران و كوژه‌ك زوربه‌ی وان ل كورستانێ‌ نه‌ماینه‌ و هه‌رده‌مه‌كێ‌ رێژا پارێزگه‌ها دهوكێ‌ ب جهئینانا ئه‌كرێن و رێژا ڤاكسینا دئێكه‌م پلادا بوویه‌ له‌ورا هیڤی خوازم دبه‌رده‌وام بن ل سه‌ر كارێ‌ خو ژ بو ب ده‌ستڤه‌ئینا ئارمانجێن باشتر .

ڤاكسیندان و خوپاراستن ژوان كارێن هه‌ره‌ گرنگن دژیانا هه‌ر زاروكه‌كی دایك و بایێن خوشتڤی ئه‌ڤ ڤاكسیندانه‌ دبنه‌ ئه‌گه‌رێ‌ پاراستنا وان ژكومه‌كا نه‌خوشیێن كوژه‌ك ,  وه‌رار و گه‌شه‌كرنا وان گرێدای ب رێكخستنا  ڤان ڤاكسیندانایه‌ .