وهزیرێن ساخلهمی و پلاندانانێ سهرا سهنتهرێ نهخۆشیێن دلی ل دهۆكێ دان
داكو نهخۆشێن دلی یێن پارێزگهها دهۆكێ ژ نها و پێدا پێدڤی وهلاتی نهبن بۆ دیتنا چارهیان حوكمهتا ههرێمێ پشتهڤانییا خوه بۆ وهلاتییان دوپاتكر.
بۆ ژ نێزیك ئاگههداربوون ل سهر رهوشا سهنتهرێ نشتهرگهرییا دلی ل پارێزگهها دهۆك د. تاهر ههورامی وهزیرێ ساخلهمیێ و د. علی سندی وهزیرێ وهزیرێ پلاندانانێ ل حوكمهتا ههرێمێ سهرا سهنتهرێ ناڤهاتی دان، عهبدوالله سهعید ژی راگههاند، ژ نها و پێدا حهفتیانه دێ چهند كریارێن نشتهرگهری هێن ئهنجامدان.
شاندێ هان ژ ئالیێ رێڤهبهرێ گشتیێ ساخلهمییا پارێزگهها دهۆك د. عهبدوالله سهعید هاتن پێشوازیكرن، د گهڕیانا خوه دا بۆ ناڤا پشكێن سهنتهرێ نشتهرگهریێ د. تاهر ههورامی خویاكر، ئهو سهربۆرا بهریا نها سهركهفتن ئینای دێ بهردهوامی پێ هێتهدان، پشتهڤانییا حوكمهتا ههرێمێ ژی دوپاتكر، ژ ئالیی َخوه ڤه عهلی سندی گۆت: پتشی گهڕیانهكێ ل ناڤا پشكێن سهنتهری خویابوویه سهنتهرهكێ پێشكهفتییه و كارهكێ باش هاتییه ئهنجامدان، ئهڤ ئێكه ژی دێ بیته سهدهمێ وێ كو وهلاتی قهستا دهرڤهی وهلاتی نهكهن بۆ چارهكرنا نهخۆشییان و ئهڤ سهنتهره دێ ب ڤی ئهركی رابیت.
ژ ئالیێ خهو ڤه عهبدوالله سهعید گۆت: ب هیڤی نه ژی وهلاتی پێدڤی دهرڤهی وهلاتی نابن و نهخۆشیێن وان دێ ل ڤی سهنتهری هێن چارهكرن، چهند ئامیرهیێن مۆدێرن و پێشكهفتی و كارمهند و نوشدارێن خودان شیان ژی ل ڤی سهنتهری كاردكهن، و ژنها و پێدا حهفتیانه دێ چهند كریارێن نشتهرگهری هێن ئهنجامدان، ب پشتهڤانییا حوكمهتا ههرێمێ ژی 10 ملیار دینار بۆ ڤی سهنتهری هاتینه تهرخانكرن و نێزیكییا 6 ملیار دینار ژی بۆ ئهڤ ساله هاتینه تهرخانكرن.
تێ زانین نوشدارهكێ ئیتالی ل گهل تیمهكێ تایبهت مهند هاتییه داكو پتر خزمهتا وهلاتییان بهێته كرن و ب گوژمهكێ كێمێ دراڤی دێ نشتهرگهری هێن ئهنجامدان.