بو ئێكه‌م جار شانده‌كێ نوژدارێن ئه‌لمانی گه‌هشتنه پارێزگه‌ها دهوك
هاتیه بلاڤکرن روژا پێنج شه‌مبێ, 3 چریا دووى 2011 - 9:58am
ل گوره‌ی وان بزاڤ و چالاكێن رێڤه‌به‌ریا گشتی ساخله‌میا پتارێزگه‌ها دهوكێ ژبو گه‌هاندنا باشترین چاره‌سه‌ری بو خه‌لكێ كوردستانێ و بتایبه‌ت بو خه‌لكێ پارێزگه‌ها دهوك تیمه‌كێ نوژدارێن بسپور ل وارێ نشته‌رگه‌ریا جوانكاریێ ل وه‌لاتێ ئه‌لمانیا ده‌ست بكارێ خو كرن و ئه‌ڤرو نێزیكی ( 50 ) نه‌خوش هاتنه پشكنین و بریار ئه‌وه كو یا پێتڤی بو ڤان نه‌خوشا بهێته‌كرن وه‌ك ده‌رمان یان ئه‌نجامدانا كریارێن نشته‌رگه‌ری
د. ئه‌لمونتی گوت : ئه‌ز وه‌ك سه‌روكی شادی پشتی مه نه‌خوشخانا سوتن و نشته‌رگه‌ریا جوانكاریێ ل پارێزگه‌ها دهوك دیتی ل دیڤ هزارا مه نه ده‌ركه‌ت مه گوت دێ چین و نه‌خوشخانه‌كا زور یا بچویكه و چ كار تێدا ناهێته‌كرن لێ به‌روڤاژی ڤێ ڤێ چه‌ندێ ده‌ركه‌ت و مه دگه‌ل خو ئیناینه تیمه‌كێ تابیه‌تمه‌ند و ده‌رمان كه‌ل و په‌لێن پێتڤی بو ئه‌نجامدانا چه‌ند كریارێن نشته‌رگه‌ری و هه‌روه‌سا ئه‌ڤه دوماهیك جار نابیت و دێ به‌رده‌وامێ ده‌ینه ئه‌ڤی پروگلرگرامی ژ بو خزمه‌تكرنا خه‌لكێ كوردستانێ‌ً
د. عبدالله سعید رێڤه‌به‌رێ گشتی ساخله‌میا پارێزگه‌ها دهوك گوت : پشتی هه‌ول و بزاڤێن به‌رده‌وام دگه‌ل ڤان نوژدارا ئه‌م ب رێك كه‌ڤتین و ئه‌ڤ شانده بهێته دهوكێ و مه‌ژی ژ لایێ خوڤه هه‌می به‌رهه‌ڤی بوان ئاماده‌كرینه وه‌كی به‌رهه‌ڤكرنا نێزیكی ( 120 ) نه‌خوشان و نوژدارو كارمه‌ندێن ڤێ نه‌خوشخانێ بو هاریكاریا وان ژ بو پێشكێشكرنا باشترین خزمه‌تێن نوژداری بو خه‌كێ دهوكێ .....
ئه‌ڤ مالپه‌ره فرێکه
