ل دوور وێ‌ ریدانا نه‌خوشخانا ته‌نگاڤیا

كه‌رتێ‌ ساخله‌میێ‌ گرێدایی هه‌می ته‌خ و چینێت جڤاكینه‌ و یا پێتڤیه‌ سه‌ره‌ده‌ریه‌كا سه‌رده‌مانه‌ و كاركرن یا ب دلوڤانی بیت و نه‌خوشخانا ته‌نگاڤیا روژانه‌ نێزیكی ( 700 ) كه‌سان سه‌ردانا ڤێ‌ نه‌خوشخانێ‌ دكه‌ن چ بو چاره‌سه‌ری چ بو كریارا نشته‌رگه‌ری و سه‌ره‌رایی ڤان كاران نه‌خوشخانه‌كا فێركرنێه‌ د.(سه‌روه‌ر صادق )رێڤه‌به‌رێ‌گشتی ساخله‌میا پارێزگه‌ها دهوك بوه‌كاله‌ت بو وار گوت :ئه‌و ریدانا به‌ری چه‌ند شه‌ڤا ل نه‌خوشخانا ته‌نگاڤیا نوژداره‌كێ‌ مه‌ ب ناڤێ‌ (مه‌تین ) كو زێده‌گاڤی ژلایێ‌ چه‌ند وه‌لاتیان ڤه‌ لێهاتوكرن و هه‌روه‌سا هێزێن پولیسا چ به‌ره‌ڤانی ژێ‌ نه‌كریه‌ و ئامیرێ‌ فیشارا خوینێ‌ یێ‌ دنوژاری وه‌ركری وئه‌ڤه‌ نه‌كاره‌كێ‌ شارستانیه‌ ل وه‌لاته‌كی كو دیموكراسیه‌ت یا چه‌سپاندیه‌ و خزمه‌تێن ساخله‌میێ‌ بو وه‌لاتیان دعێنه‌ پێشكێشكرن بێ‌ جیاوازی ئه‌م وه‌كی رێڤه‌به‌ریا ساخله‌میا پارێزگه‌ها دهوك دبێزین ئه‌ڤه‌ زێده‌گاڤیه‌ ل سه‌ر كه‌رتێ‌ ساخله‌مێ‌ هه‌میێ‌ و لدیڤ بریارا دادگه‌هێ‌ ئه‌ڤ مروڤه‌ بهێته‌ سزادان و ب فه‌رمی مه‌ سكاله‌یه‌كا توماركری ژبو دیاركرنا راستێ‌ د.( عبدالله‌ نه‌بی) رێڤه‌به‌رێ‌ نه‌خوشخانا ته‌نگاڤیا گوت : ئه‌گه‌ر ئه‌ز بێزم كو ل نه‌خوشخانا مه‌ روژانه‌ ریدانێن بڤی ره‌نگی هه‌نه‌ و ئه‌ڤه‌ نه‌ بو جارا ئێكیه‌ هیڤی دارم ژ جهێن په‌یوه‌ندیدار پێنگاڤێن باش پاڤێن ژبو نه‌دوباره‌كرنا ڤان جوره‌ ریدانا. د.( لقمان ) سه‌روكێ‌ نوژدارێن نیشته‌جێ‌ ل پارێزگه‌ها دهوك گوت:براستی مه‌ وه‌ك پروبلمه‌ل دگه‌ل خه‌لكی یا هه‌ی ده‌ما سه‌ردانا نه‌خوشخانێ‌ دكه‌ن و زێده‌گاڤیا لسه‌ر نوزدار و كارمه‌ندێن نه‌خوشخانێ‌ نه‌ به‌س ئه‌ڤرویه‌ به‌لكی یاكه‌ڤنه‌ و هه‌یڤانه‌ دوو هه‌تا سێ‌ زێده‌گاڤیا دهێنه‌توماركرن هه‌تا نوكه‌ چ پێنگاڤ نه‌هاتینه‌ هاڤێتن چ ژلایێ‌ كارگێریا نه‌خوشخانێ‌ و رێڤه‌به‌ریا گشتی ساخله‌میا دهوك و نه‌پولیسا و نه‌ دادگه‌هێ‌ له‌ورا یا پێتڤیه‌ سنوره‌ك بو ڤان رێده‌گاڤیا بهێته‌دان و كارمه‌ندێن ڤێ‌ نه‌خوشخانێ‌ بشه‌ڤ و روژ یێ‌ كاردكه‌ن و لجهێ‌ وێ‌ زێده‌گاڤی هه‌بن خه‌لكێ‌ ماڤ یێ‌ هه‌ی ئه‌م خزمه‌تا وان بكه‌ین ئه‌گه‌ر وان گازنده‌ك هه‌بیت ئه‌ژی ماڤه‌كێ‌ ره‌وایه‌ و گازندا خو بگه‌ینیته‌ كارگێریا نه‌خوشخانێ‌ و دادگه‌هێ‌ لێ‌ بشێوازه‌كێ‌ سه‌رده‌مانه‌ دێ‌ گازندا خو گه‌هینمه‌ كارگێری و بهیچ ره‌نگه‌كی ئه‌م قه‌بول ناكه‌ین زێده‌گاڤی لسه‌ر نوژدار و كارمه‌ندێن ساخله‌میێ‌ بهێته‌كرن , ئه‌و ئاریشا بو نوژدارێ‌ مه‌ چێبووی دێ‌ دیڤچونێ‌ لسه‌ر كه‌ین ب رێكا دادگه‌هێ‌ توماركرنا سكالیه‌كێ‌ كو زێده‌گاڤی ل نوژداری و كه‌لوپه‌لێن نه‌خوشخانێ‌ كرین و ئه‌وان پولیسێن نه‌خوشخانێ‌ دخه‌مسار بوینه‌ دكارێ‌ خودا و جاره‌كادی سوزێ‌ ده‌ینه‌ خه‌لكێ‌ خو كو ئه‌م دێ‌ دبه‌رده‌ام بین پێشكێشكرنا باشترین خزمه‌تێن ساخله‌میێ‌ .....