دانا ده‌ستپێكرنا خشته‌كێ‌ نوی بو ڤاكسینا

ب ئاماده‌بونا قایمقامێ‌ قه‌زا دهوك به‌رێز ( بوتان محسن ) و رێڤه‌به‌رێ‌ گشتی ساخله‌میا پارێزگه‌ها دهوك ( د. نزار عصمت ) و به‌رپرسا پشكا خوپاراستنێ‌ و چه‌ندین  نوژدارێن په‌یوه‌ندیدار ل بنگه‌هێ‌ به‌هدینان یێ‌ ساخله‌میێ‌ درێوره‌سمه‌كێ‌ هه‌ژیدا ل سه‌ر ده‌ستێ‌ دوو زاروكا هاته‌ ڤه‌كرن و زاروكێن ئاماده‌ هاتنه‌ ڤاكسیندان ب ڤاكسینێن نوی ,
به‌رێز قایمقامێ‌ قه‌زا دهوك گوت : ئه‌ڤ ڤاكسنه‌ بو جارا ئێكێه‌ ل عیراقێ‌ و كوردستانێ‌ دهێته‌ دانان هه‌تا نوكه‌ دوو جور بون ونوكه‌ یێن بوینه‌ سێ‌ جور ئه‌م وه‌كی قایمقامیا قه‌زا دهوك دێ‌ دهاریكار و هه‌ڤكار بین دگه‌ل رێڤه‌به‌ریا گشتی ساخله‌میا پارێزگه‌ها دهوك و بتایبه‌ت ئه‌وان به‌رنامێن گرێدایی ب خوپاراستنێ‌ ڤه‌ و ده‌ستخوشێ‌ ل وان دكه‌م كو ده‌ستپێكا ڤی كاری ل پارێزگه‌ها دهوكێ‌ یه‌
رێڤه‌به‌رێ‌ گشتی ساخله‌میا پارێزگه‌ها دهوك گوت : ئه‌ڤرو روژه‌كا نوی بو و ڤاكسینه‌كا نوی بو كو دوو جورێن ڤاكسینێن نوی نه‌ زێده‌بوینه‌ ل سه‌ر خشتا ڤاكسینێن زاروكا ژوان ڤاكسنا ئه‌وه‌ی كو دژی زكچونا زاروكا یه‌ و ل وه‌رزێ‌ هاڤینا دێ‌ بینی كو زوربه‌لی زاروكا توشی نه‌خوشیا زكچونێ‌ دبن و رێژه‌كا زور و ل ده‌مه‌كێ‌ زوی به‌ربه‌لاڤ دبیت ئه‌ڤ ڤاكسینه‌ ناهێلیت و هه‌روه‌سا به‌كتریایه‌كه‌ و نه‌خوشیا سه‌حیا مێشكێ‌ مروڤی دگریت ئه‌ڤ ڤاكیسنه‌ دێ‌ رێكێ‌ ل ڤی به‌كتریای گریت كو دهوك ئێكه‌م پارێزگه‌هه‌ كو ده‌ستپێكری ل سه‌رانسه‌ری عیراق و كوردستانێ‌ , هیڤی خوازم كو ئه‌ڤ نه‌خوشێن ڤه‌گر ل پارێزگه‌ها مه‌ كێم ببن و خه‌لك قه‌ستا ڤان بنگه‌ها بكه‌ن بو پاراستنا زاروكێن وان ..

هه‌ژیه‌ بێژین كو ئه‌ڤ ڤاكسینا نو پێكدهێت ژ 1- سیانی أ- كوخه‌ ره‌ش ب- خه‌ند خه‌ندوك ج – گوزاز 2  2- ڤاكسینا كولبونا جه‌رگی یا ڤایروسی ژ جورێ‌ ( B ) 3- هیموفلس ئه‌نفله‌وه‌نزا , كو ئه‌ڤ ڤاكسنه‌ دێ‌ زاروكێ‌ ته‌ ژڤان نه‌خوشێن كوژه‌ك پارێزیت و هه‌ر زاروكه‌كێ‌ ژیێ‌ و دناڤبه‌را 2-3 ) هه‌یڤی بیت دێ‌ كارتا وی ڤاكسینا هێته‌ گوهورین