تیمه‌كێ ئه‌مریكی دێ 70 زاڕۆیێن دهۆكێ چاره‌سه‌ر كه‌ت
هاتیه بلاڤکرن روژا دوو شه‌مبێ, 16 کانونا مه‌زن 2012 - 10:15am
تیمه‌كێ نوژدارێن وه‌لاتێ ئه‌مریكا سه‌را رێڤه‌به‌رییا گشتییا ساخله‌مییا پارێزگه‌ها دهۆك دا و ژلایێ رێڤه‌به‌رێ گشتی ساخله‌میێ د. نزار عصمت ڤه هاتنه پێشوازیكرن.
دكۆمبوونه‌كێدا تیمێ ناڤبری به‌رهه‌ڤییا خوه بۆ پشكنین و چاره‌سه‌ركرنا 60 هه‌تا 70 زاڕۆیێن دهۆكێ دیاركر و ل دووڤ به‌رنامه‌یه‌كێ رێكوپێك دێ ڤێ خزمه‌تێ پێشكێشی زاڕۆیان كه‌ن.
بو زانین ئه‌ڤ تیمه ژ رێكخراوا میشره و ب هاریكارییا سه‌نته‌رێ زووده‌م یێ ده‌ستنیشانكرنا په‌ككه‌ڤتنێ دێ ب ڤی كاری رابیت و ئه‌ڤ تیمه پێكهاتییه ژ د. كیرك تایبه‌تمه‌ندێ نشته‌رگه‌ریێن دلی بۆ زاڕۆیا و د. كیم تایبه‌تمه‌ندا بێهۆشكرنێ و بۆ ده‌مێ سێ رۆژا ئه‌ڤ تیمه دێ كاركه‌ن و راپۆرت ل سه‌ر هه‌ر نه‌خۆشه‌كی دێ هێنه به‌رهه‌ڤكرن ب مه‌ره‌ما دیتنا چاره‌سه‌ریێن پێدڤی.
ئه‌ڤ مالپه‌ره فرێکه
