سهنتهرێ هیوا گرنژین بو دووخێزانا زڤراند
حكومهتا ههرێما كوردستانێ ژچ ئالێن ژیانێ ڤه پشت گوهێ خوڤه نههاڤێتینه و ههردهم بزاڤا بدهسڤهئینانا باشترین رێكێن چارهسهریا ساخلهمی بو ژیانێ ههلبژارتیه , رێڤهبهریا ساخلهمیا پارێزگهها دهوكێ پروژێ زاروكێن دناڤ شیشهیدا ل ناڤهندا نهخوشخانا ئازادی بهردهوامی بكارێ خو كرینه و ئهڤه ئهنجامێن كهتینه بهردهست ژ ( 40 ) خێزانا ( 12 ) ب دوو گیان كهڤتینه د. ( ئهڤین مونیب ) بهرپرسا سهنتهرێ هیوا یێ نهزوكی گوت: پشتی كارێ ڤی سهنتهری بو ماوێ سالهكێ بسهركهڤتیانه هاتیه ئهنجامدان , ئهڤرو دوو ژنێن دووگیان ژ بهرههمێ ئهڤی سهنتهری كو د دوو كریارێن نشتهرگهریێ دا بو ههردوو ژنا كو ئێك ژ وان جێمك بوو و یا دی ئێك زارووك بوویه و ههرسێ زارووك كور بوینه ورهوشا ساخلهمیا وان و یا دایكا وان یا باشه , ئهڤه ههمی وێ چهندێ رادگههینیت بو چاڤدێریا ئهڤی سهنتهری وئهوان ژنا و ئهم وهك تیمهك كاردكهین داكو چ خێزان بێ زارووك نهمینن و گرنژین لسهر لێڤێن ڤان خێزانا یا بهردهوام بیت و بهاریكاری و پشتهڤانیا حكومهتا ههرێما كوردستانێ .