ل ئامێدێ‌ سالڤه‌گێرا د. فوزی هاته‌گێران

ل هولا سه‌نته‌رێ‌ ره‌وشه‌نبیری ل قه‌زا ئامێدێ‌ رێڤه‌به‌ریا ساخله‌ما قه‌زا ئامێدیێ‌ رابوبه‌ ب ساخكرنا سالڤه‌گێرا خودێ‌ ژێ‌ رازی د. فوزی توفیق ب ئاماده‌بونا به‌رێز اسماعیل محمد قایمقامێ‌ قه‌زا ئامێدیێ‌ و به‌رێز بوتان محسن قایمقامێ‌ قه‌زا دهوك و رێڤه‌به‌رێ‌ گشتی ساخله‌میا پارێزگه‌ها دهوك به‌رێز د. نزار عصمت وچه‌ند هه‌ڤال و دوستێن خودێ‌ ژێ‌ رازی و كه‌س و كارێن وی , ده‌ستپێكێ‌ ده‌قیقه‌كێ‌ ره‌وه‌ستان لسه‌ر گیانێ‌ پاكێ‌ هه‌می شه‌هیدا و گیانێ‌ ره‌حمه‌تی لدیڤدا به‌رێز اسماعیل محمد گوت : رولێ‌ خودێ‌ژێ‌ رازی یێ‌ دیاره‌ ل كه‌رتێ‌ ساخله‌میێ‌ و نه‌به‌س خێزانا وی خوساره‌ت ب ولێ‌ ئامێدێ‌ هه‌می توشی نه‌رحه‌تیه‌كێ‌ بویه‌ وه‌سا دیاره‌ كو د. فوزی رولێ‌ نوداری و مروڤایه‌تی هه‌ردوو پێكڤه‌ دكرن و دلسوزیا وی بو ملله‌تێ‌ وی یا زور بو , د. نزار عصمت گوت : كارێ‌ وی ل ئامێدیێ‌ یێ‌ به‌چاڤه‌ و شین تبلێن وی دیارن و دێ‌ به‌رده‌وامێ‌ ده‌ینه‌ كارێن وی , ئه‌م وه‌ك رێڤه‌به‌ریا گشتی ساخله‌میا پارێزگه‌ها دهوك وه‌ك وه‌فاداریه‌ك بو گیانێ‌ ڤی مروڤی دێ‌ په‌یكه‌ره‌كی بو چێكه‌ین , من باوه‌ره‌ ئه‌ڤ په‌یكه‌ره‌ چ كه‌سێ‌ بینیت دێ‌ پرسیار كه‌ت و دێ‌ بیژیت ئه‌ڤه‌ كیه‌ . د. نجیب سعید وه‌ك رێڤه‌به‌رێ‌ قه‌زا ئامێدیێ‌ گوت : په‌یاما وی په‌یاما وه‌كهه‌ڤێ‌ گه‌هاندیه‌ و چ جوداهی دناڤبه‌را نه‌خوش و كارمه‌ندێن خو نه‌كریه‌ , بزانن و ئاقیلانه‌ دگه‌ل ئاریشا دكر و شنیانێن وی ل كه‌رتێ‌ ساخله‌میێ‌ دێ‌ هه‌ مینن , د. احسان توفیق برایێ‌ خودێ‌ ژێ‌ رازی گوت : سوپاس بو هه‌می دوست و هه‌ڤالێن وی ئه‌ڤ ئاماده‌بونا هه‌وه‌ نیشانا وه‌فاداریا هه‌وه‌یه‌ و ل ده‌مه‌كێ‌ كێم ئه‌وی هین ل خو كومكرین و هین هه‌می بوینه‌ برایێن وی .هه‌ژیه‌ بێژین كو د. فوزی ل سالا 167 ل باژێرێ‌ ئامێدیلێ‌ هاتیه‌ سه‌ردونایایێ‌ و لسالا 1991 ل زانكویا میسل ده‌رچویه‌ و هه‌ر ژسالا 1993 خزمه‌تا خه‌لكێ‌ خ وكریه‌ و ل شه‌ڤا 5/4 – 2 – 2011دریدانه‌كا دلته‌زین چویه‌ به‌ردوڤانیا خودێ‌ پشتی پشكدار بوی دكونگرێ‌ گوهورینا سیسته‌مێ‌ ساخله‌میێ‌ ل هه‌ڤلێرا پایته‌خت ..