شاندی په‌رله‌مانێ‌ كوردستانێ‌ سه‌ره‌دانا رێڤه‌به‌ریا گشتی ساخله‌می كرن

شانده‌كێ‌ په‌رله‌مانێ‌ هه‌رێما كوردستانێ‌ وه‌ك ( 3 ) لیژنا سه‌ره‌دانا رێڤه‌به‌ریا گشتی ساخله‌میا پارێزگه‌ها دهوكێ‌ كرن وه‌ك لیژنێن دیڤچونێن پروژێن  دهێنه‌ ئه‌نجامدان ژ بودجا كومه‌تا هه‌رێما كوردستانێ‌  ژوان لیژنێن ( ساخله‌می – دارایی – ئاڤه‌دانكرنێ‌ ) ل به‌راهیێ‌ كومبونه‌ك گرێدان دگه‌ل د. نزار عصمت رێڤه‌به‌رێ‌ گشتی ساخله‌میا پارێزگه‌ها دهوك و چه‌ند نوژدارو ئه‌ندازیا یێن په‌یوه‌ندیدار و لدیڤدا سه‌ره‌دانا چه‌ند پروژا كرن و ژوان ( نه‌خوشخانا تایبه‌تمه‌ند ب نه‌خوشێن چاڤا- و سه‌نته‌رێ‌ ساخله‌میا ده‌روونی  - نه‌خوشخانا ژن و زاروكبوونێ‌ ) به‌رێز د. ( جیهان اسماعیل ) وه‌ك لیژنا ساخله‌می ل ل په‌رله‌مانێ‌ كوردستانێ‌ ئاخڤتیه‌ : ئه‌م وه‌ك ( 3 ) لیژنێن تایبه‌ت ب كار و پروژێن ژ بودجا حكومه‌تا هه‌رێما كوردستانێ‌ دهێنه‌ مه‌زاختن , ئه‌ز وه‌ك لیژنا ساخله‌می ل په‌رله‌مانێ‌ كوردستانێ‌ ئه‌ندامێن پارێزگه‌ها دهوكێ‌ ڤه‌ مه‌ بڤه‌ر زانی كو سه‌ره‌دانه‌كێ‌ بكه‌ینه‌ لسه‌ر چه‌ند پروژا یێن گرێدای رێڤه‌به‌ریا ساخله‌میا پارێزگه‌ها دهوك چه‌وانیا برێڤه‌چونا كاری لڤان پروژا كو كارێ‌ مه‌ یێ‌ دیڤچونا پروژا و ئه‌وێن مه‌ سه‌ره‌دان لێ‌ كری سه‌نته‌رێ‌ ساخله‌میا ده‌روونی و نه‌خوشخانا ژن و زاروك بوونێ‌ و نه‌خوشخانا چاڤا وه‌كو دیار كو لڤان نێزیكا دێ‌ كه‌ڤنه‌ دخزمه‌تا خه‌لكێ‌ دهوكێ‌ و مه‌ كاره‌كێ‌ باش كریه‌ كو نه‌خوشخانه‌كا تایبه‌تمه‌ند ب نه‌خوشێن په‌نجه‌شێرێ‌ و نه‌خوشخانه‌ك ل به‌رده‌ره‌ش بهێنه‌ ئاڤاكرن كو پارێزگه‌ها دهوك پێتڤی ب ڤان جوره‌ نه‌خوشخانا و بنگه‌ها هه‌یه‌ , ته‌كز كر و گوت : ئه‌ز وه‌ك نوژداره‌ك مه‌ دیت كو وه‌ك دیزاین و ئاڤاهی یێ‌ سه‌نته‌رێ‌ ساخله‌میا ده‌روونی و نه‌خوشخانا چاڤا زور باشه‌ و دێ‌ خزمه‌ته‌كا باش پێشكێشی خه‌لكێ‌ ده‌ڤه‌رێ‌ كه‌ت ..