ب ههلكهفتا 14-3 بونا بارزانیێ نهمر و ئازادكرنا پاژێرێ دهوكێ ب كوژمێ زێدهتر ژ 25 ملیارب دینارا بهرێ بنیاتی بو هژمارهكا پروژان هاته دانان و هژمارهكا دیا پروژا هاتنه ڤهكرن.
ل روژا 14/3/2012 ب ههلكهفتا بونا بارزانیێ نهمر و ئازاد كرنا باژێرێ دهوكێ و ب ئامادهبونا تهمهر ۆرهمهزان پارێزگهرێ دهوكێ و بهرپرسێ لقێ ئێك یێپارتی و سهروكێ جڤاتا پارێزگهها دههوكێ و هژمارهكا بهرپرسێن دهزگایێن حوكومهتا ههرێمێ بهرێ بنیاتی بو هژمارهكا پروژێن ساخلهمیێ هاته دانان
بهراهیێ ل كومهلگهها تهناهی بهرێ بنیاتی بو بنگهههكێ ساخلهمیێ ژ جورێ A ب كوژمێ 827 ملیون دینارا هاته هژمارهكا و چهندین خزمهتێن ساخلهمیێ تێدا هێنه پێشكێشكرن ,
دیڤدا ل كومهلگهها جهمبوری سهرب ناحیا فهیدیێ ڤه بهرێ بنیاتی بو چێكرنا بنگهههكێ ساخلهمیێ ژ جورێ C ب كوژمێ 251 ملیون دینارا هاته دانان و دێ خزمهتا خهلكێ كومهلگههێ ژ نهتهوێن كورد و عهرهب و ئاینێن موسلمان و مهسیحی و ئێزدی دڤێ كومهلگههێ دا كهت و جارائێكێ یه بنگهههكێ ساخلهمیێ ل ڤێ كومهلگههێ دهێته دانان دداخویانیهكێ جاسم محهمهد رهشید ههلبژێرێ كومهلگهها جهمبوری دیار كر كو ژ سالا 1986 وهره ئهو ل ڤێ كومهلگههێ هاتینه خرڤهكرن و بێی خزمهتێن ساخلهمیێ و جارا ئێكێ بنگهههكێ ساخلهمیێ بو وان دهێته ئاڤاكرن و گوت: سوپاسیا حكومهتا كوردستانێ دكهین بو ڤان هاریكاریێن بهردهوام و هیڤی دارین كو جادهكێ ژی بو دورست بكهن ل ناف كومهلگههێ و ئهم بهیڤی نه كو پارێزگهرێ دهوكێ دێ ڤێ خزمهتێ بو مه كهن .
ههر دبیاڤێ گرنگی دانا حكومهتا ههرێمی ب كهرتێ ساخلهمیێ ل سهنتهرێ باژێرێ دهوكێ بنگههێ 122 یێ ههوار هاتنا ساخلهمیێ ( ئهمبولانسێ ) یێ پێشكهفتی هاته ڤهكرن كو تێدا ب سیستهمهكێ پێشكهفتنی هێلێن تێلهفونێ هاتیه گرێدان و یرێكا GPS جهێ داخازیا هاریكاریێ دكهت دێ هێته دیار كرن و حكومهتا ههرێمێ 23 ترومبێلێن ههوار هاتنێ بهرههفكرینه بو خزمهتكرنا ولاتیان .
ههروهسا ل باژێرێ دهوكێ ب ئامادهبونا پارێزگهرێ دهوكێ سهنتهرێ ئێشێن دهرونی بو زاروك و سنێلا هاته ڤهكرن ب كوژمێ 1 ملیارو 845 ملیون دینارا كو تێدا دێ خزمهتێن جوره و جور بو وان زاروك و سنێلێن توشی ئێشێن دهرونی دبن هێته پێشكێشكرن .
ههر ل باژێرێ دهوكێ بهرێ بنیاتی بو ئاڤاهیهكێ نوی بو قایمقامیا دهوكێ ب كوژمێ 1 ملیارو 375 ملیون دینارا هاته دانان .
ل دیماهیێ ل دوریانا بێسرێ ئێتیتێ بهرێ بنیاتی بو ئوڤهر پاسا ئێتیتێ ب كوژمێ نێزیكی16 ملیارو دینارا هاته دانان كو برهنگهكێ رێك و پێك و مودرن دیزاین بو هاتیه چێكرن و دێ هاتن و چونێ ل ڤێ دوریانێ رێك ئێخیت .
ل دور گرنگیاڤان ڤهكرنا سهنتهرێ 122 یێ ههوار هاتنا ساخلهمیێ ( ئهمبولانسێ )
تهمهر رهمهزان پارێزگهرێ دهوكێ دد خویانیهكێ دا پیروزباهی ل خهلكێ باژێرێ دهوكێ كر ب ههلكهفتا دهست ب كاربونا خزمهتا ههوار هاتنا ساخلهمیێ بڤی رهنگی پێشكهفتی و گوت : ئهم دزانین ئهف سهتنهره دێ هاریكاریهكا باش پێشكێش كهت و دهست خوشیێ ل وان ههمی كارمهندا دكهین یێن بڤی كاری رادبن و بزاف كری ئهف سهنتهره بهێته دورستكرن .
ههروهسا د. نزار عسمهت رێڤهبهرێ گشتی یێ ساخلهمیێ ل پارێزگهها دهوكێ
دیار كر كو ئهف سهنتهره بو دهمێن تهنگاڤیا رویدانا دێ خزمهتێ پێشكێش كهت و ب سیستهمهكێ گهلهك پێشكهفته هاتیه دانان و برێكا GPS كار دكهت و جهێ داخازكارێ هاریكاریێ یان رویدانێ دێ دیار كرن ل سهر نهخشهی و دیار كر كو ههر ژ ئهڤرو سهنتهر كهفته دكاری دا بو خزمهتێ و ب شهڤ روژ و تێدا 23 ئهمبولانس دكاریدانه ب شهڤ روژ و بریاره بهێنه زێدهكرن .