حه‌فتیا دانعه‌مرا هاته‌ ساخكرن

رێڤه‌به‌ریا گشتی ساخله‌میا پارێزگه‌ها دهوك ل هه‌می هه‌لكه‌فت و بیره‌وه‌رێن گرێدای ب ساخله‌میا خه‌لكێ‌ كوردستانێ‌ و بتایبه‌ت ل پارێزگه‌ها دهوك ئه‌ڤرو چه‌ند بزاڤ و چالاكی هاتنه‌ ساخكرن ژ وان :
ب ئاماده‌بونا رێزدار ( بوتان محسن ) قایمقامێ‌ قه‌زا دهوك و د. نزار عصمت رێڤه‌به‌رێ‌ گشتی ساخله‌میا پارێزگه‌ها دهوك و چه‌ند نوشدار و كارمه‌ندێن ساخله‌میێ‌ یێن په‌یوه‌ندیدار ل ده‌سپێكێ‌ ل سه‌نته‌رێ‌ شه‌كرێ‌ چه‌ند ئامیرێن پشكنینا رێژا شه‌كرێ‌ دناڤ خوینێدا لسه‌ر چه‌ند دانعه‌مرێن پێدڤی دابه‌شكرن , چێكرنا چه‌ند ته‌خمێن ددانا بو دانعه‌مرا ل كومه‌لگه‌ها نوشداریا ددانا یا تایبه‌تمه‌ند ,ڤه‌كرنا سه‌نته‌ره‌كێ‌ تایبه‌تمه‌ند بو دانعه‌مرا ل نه‌خوشخانا ئازادی  به‌لاڤكرنا چه‌ند ئامیرێن گوه لێبونێ‌ لسه‌ر دانعه‌مرا ل سه‌نته‌رێ‌ دانعه‌مرا ل نه‌خوشخانا ناڤبری
د. نزار عصمت رێڤه‌به‌رێ‌ گشتی ساخله‌میا پارێزگه‌ها دهوك گوت : خزمه‌تكرنا ئه‌ڤی ته‌خێ‌ جڤاكی كاره‌كێ‌ پیروزه‌ و ئه‌م شانازیێ‌ پێدبه‌ین , دێ‌ هه‌ولده‌ین كو دانعه‌مر ئێدی نه‌بیته‌ بارگرانیه‌ك لسه‌ر خێزانا خو ل ڤێ‌ روژێ‌ مه‌ وه‌ك هاریكاریه‌ك بو ڤی ته‌خی كریه‌ كو بلاڤكرنا چه‌ند ئامیرێن گوهلێبونێ‌ و ئامیرێ‌ پشكنینا رێژا شه‌كرێ‌ دناڤ خوینێدا و چێكرنا ته‌خمێن ددانا بو ئه‌وان دانعه‌ملرێن پێدڤی .
به‌رێز بوتان محسن قایمقامێ‌ قه‌زا دهوك گوت : ل هه‌می ده‌ما پارێزگه‌ها دهوك پشته‌ڤان بویه‌ بو رێڤه‌به‌ریا گشتی ساخله‌میا دهوكێ‌ , ئه‌ڤێ‌ روژێ‌ ل هه‌می دانعه‌مرا پیروز دكه‌ین و هیڤی خوازین كو ئه‌ڤ ژیێ‌ مای ب ساخله‌می ببنه‌ سه‌ر .
ل هه‌می بیاڤاندا رێڤه‌به‌ریا گشتی ساخله‌میا پارێزگه‌ها دهوك هه‌ول دایه‌ باشترین ئامیره‌ و چاره‌سه‌ریا باش بو وه‌لاتیا په‌یدا بكه‌ت و ئینانا نویترین ته‌كنولوژیا سه‌رده‌مانه‌ بو كوردستانێ‌ و هنارتنا نوشدار و كارمه‌ندێن ساخله‌میێ‌ بو ده‌رڤه‌ی هه‌رێمێ‌ و ئینانا نوشدارێن بیانی ژبو چاره‌سه‌ركرنا خه‌لكی و وه‌رگرتنا زانستێن نوشداری بو خه‌لكێ‌ ده‌ڤه‌رێ‌ لێ‌ ل هه‌می ده‌ما دێ‌ بێژین خوپارستن باشتره‌ ژ چاره‌سه‌ریێ‌ ...