روژا جیهانیا ده‌ست شوشتنێ‌ هاته‌ ساخكرن

ساخكرنا روژێن وه‌سا یێن جیهانێ‌ فه‌ره‌ و مه‌ره‌ما سه‌ره‌كی ئه‌وه‌ هشیاركرنا خه‌لكی  لژێر دروشمێ‌ ( ده‌ستێن خو بشو و ژیانێ‌ قورتال بكه‌ ) ل هولا نه‌خوشخانا هیڤی یا زاركا ب ئاماده‌بونا نینه‌رێ‌ رێڤه‌به‌ریا ساخله‌میا پارێزگه‌ها دهوك و رێڤه‌به‌رێ‌ نه‌خوشخانا ناڤبری و چه‌ند نوشدار و كامه‌ندێن ساخله‌میێ‌ ئه‌ڤ روژه‌ هات ساخكرن ب سمیناره‌كێ‌ و نماشكرنا چه‌ند پاقژكرا و رێكا دروست
د. عبدالرحمن توفیق تایبه‌تمه‌ندێ‌ مایكروبایولوجی بو روژناما وارگوت : ئه‌ڤ روژه‌ روژه‌كا جیهانیه‌ و مه‌ره‌ما وێ‌ كو هه‌می جیهان ئه‌ڤێ‌ روژێ‌ نوی دكه‌ن ژبو بیرئانینا خه‌لكی و هشیاركرنا هه‌می ته‌خێن جڤاكی گرنگیا ده‌ست شوشتنێ‌ ژبو ڤه‌گوهاستنا میكروبا ژ نه‌خوشه‌كی بو نه‌خوشه‌كێ‌ دی چ نوشداری چ ژ تیماركاری چ ژ كرێكارا بیت , هه‌روه‌سا گوت مڤایێ‌ ده‌ست شوشتنێ‌ ب رێژا 90% وزێده‌تر ب مه‌رجه‌كی كو برێكا دروست ده‌ستێن خو بشوت و هه‌روه‌سا رێژا ڤه‌گوهاستنا نه‌خوشێن ڤه‌گر كو رێژا ئه‌وان نه‌خوشخانا پتره‌ ژ ئه‌وان نه‌خوشخانێن مه‌رجێن شوشتنا دروست بكار دكه‌ن , هه‌وه‌سا مڤایێ‌ ڤان پاقژكه‌را دناڤ نه‌خوشخانێدا بو نه‌خوشی و نوشداری و تیماركارا و كاركه‌را ژی ژبو پاراستنا وان نه‌ڤه‌گوهاستنا نه‌خوشیا بو یێ‌ ساخله‌م , ومڤایێ‌ ژ هه‌می مه‌زنتر ئه‌وه‌ بو ئه‌وێ‌ حكومه‌تێ‌ دێ‌ رێژا نه‌خوشا كێم بیت و مه‌زاختنا پاره‌ی بو ده‌مان و كه‌ل و په‌لێن نوشداری دێ‌ به‌ره‌و كێم بوونێ‌ ڤه‌چن .
ئاماژه‌ هاته‌كرن لسه‌ر دانانا ئامیره‌كێ‌ پاقژكه‌ر ل هه‌ر قاویشه‌كێ‌ , ده‌ست شوشتن دناڤبه‌را پشكنینا نه‌خوشه‌كی بو نه‌خوشه‌كێ‌ دی , ده‌ست شوشتن بو ماوێ‌ 40هه‌تا 50 چركا و نه‌كێمتر ..