راپرسینا خزمهتێن ساخلهمیێ دكونگرهكێ روژنامهڤانی
ب ئامادهبونا د. نزار عصمت رێڤهبهرێ گشتی ساخلهمیا پارێزگهها دهوك و هژمارهكا زور ژ رێڤهبهر و نوشدار و كهسانێن شولهژی , ریڤهبهریا گشتی ساخلهمیا پارێزگهها دهوك ب ههڤكاری دگهل ئهنستتیوتا دهوك بو رهوشهنبیریا گشتی دكونگرهكێ روژنامهڤانیدا رابوینه ب راگههاندنا ئهنجامێن راپرسینا خزمهتێن ساخلهمی و بهرنامێ پارێز ئهوێ دهێته پهخشكرن لسهر شاشا سهتلایتا كوردستان .
د. نزار عصمت بو وار گوت: ژبهرنامێن رێڤهبهریا گشتی ساخلهمیا پارێزگهها دهوك ژبو دانانا پلانهكا درێژ یا ستراتیجی بو ساخلهمیێ ل پارێزگهها دهوكێ , یا گهلهك فراوان بیت كو ههمی خهلك پشكدار بن نهبهس نوشدارو كارمهندێن ساخلهمیێ خودانێن بریارا بن , گهلهك رێكێن بهشداریا خهلكی ههنه وهكی دانا پێزانینا و ههروهسا ئهوان چدگێتن بو وان بهێتهكرن راپرسا ئهڤرو ژ لایێ ئهنستتیوتا دهوك یا رهوشهنبیریا گشتی ئێك ژوان رێكا بو كو خهلك دێ چهوا دهنگێ خو گههینه مه , ئهو رێژێن گههشتیته مه دباش بوون و هندهك دخراب بوونه ئهڤه ههمی دی بهرچاڤ هێنه وهرگرن و دێ پلان بو هێته دانان , بڤی شێوهكی ئهم دێ زانین كا ئهم چدكهین و بهرهو كیڤه دچین , ئارمانێن مه ههمیا وهخت پێدڤێت و دێ زانین چ گوهورین پهیدا بوون .
بهرێزعبدالعزیز محسن گوت : پشتی رێزدار د. نزار عصمت پوستێ بهرپرساتیا رێڤهبهریا گشتی ساخلهمیا پارێزگهها دهوك وهرگرتی باوهریا ئهو بوویه كو بوردهكێ راوێژكاری ژ رێكخراوێن چڤاكی دروست بكهت , پشتی كومبونا ئێكێ بسهركهڤتیانه بدوماهیك هاتی , بهشهكێ تایبهت بكاروبارێن چڤاكی ههبیت , رێكخراوێن جهماوهری وهك پرهكێیه دناڤبهرا خهلكی و دهستههلاتێدا , ئهم بشێن خزمهتێن ساخلهمیێ بێخینه بهر پرسیار و دیتنێ و تێبینیا و گومانا خهلكی و ئهو خهلك ب راستهوخو سهرهدانا نهخوشخانا و بنگههێن ساخلهمیێ دكهن , كارێ ههره گرنگ بهرنامێ پارێز ئهوێ لسهر شاشا كوردستان تی ڤی دهێته خوارێ , ئهڤی بهرنامهی بێخیته بهر تێبینی و دیتنێن خهلكی لسهر ڤی بهرنامهی بدهن , درێكا تیمهكێ ( 27 ) كهسان پێكهاتبو و ( 7 ) روژا كار ڤهكێشا و ( 700 ) فورم (19 ) پرسیار لسهر بهرنامێ ناڤبری هاتینه بهلاڤكرن لسهر ئهوان خزمهتێن ژبو خهلكی دهێنه پێشكێشكرن د راپرسینهك ژ ( 1200 ) فورما دكونگرهكێ روژنامهڤانی بو ههمی دهزگههێن راگههاندنێ ,هاتنه بهرچاڤكرن , تا چ راده خهلك ژ ئهون خزمهتا ب خرابی , ناڤنجی , باش بهرسڤ داینه و لێكدهنهڤه , رهزامهندی دناڤبهرا ساخلهمیا دهوك ئهنستتیوتا مه بو ههر شهش ههیڤا جارهكێ راپرسینهكێ بكهین دناڤبهرا خهلك و سازێن ساخلهمیێ ژبو هندی دا ئهڤ رێڤهبهریه بشێت باشترین خزمهتا پێشكێشی خهلكی بكهت .
داكو خهلكێ پارێزگهها دهوك باشتر دهایدار بن لسهر ئهوان خزمهتێن دهێنه پێشكێشكرن ژلایێ ئهڤێ رێڤهبهرێڤه و پێتڤیا ئهڤی خهلكی بچههیه و داخوازێن وان چنه بهێنه بهرچاڤكرن و كار بو هندێ بهێتهكرن ژبو بهرزكرنا ئاستێ ئهڤان خزمهتا ل پاشهروژێ , خهلك بهشدار بن دپلانێن درێژ خایهن یێن ڤێ رێڤهبهریێ ..