جارا ئێكێ نشته‌رگه‌ریا گوهورینا جومگا دهێته ئه‌نجامدان
هاتیه بلاڤکرن روژا دوو شه‌مبێ, 18 خزیران 2012 - 10:58am
ژبو پێشڤه‌برنا ئاستێ زانستیا نوژداری ل كوردستانێ بتایبه‌ت ل پارێزگه‌ها دهوك رێڤه‌به‌ریا گشتی ساخله‌میا پارێزگه‌ها دهوك رابویه بئینانا نوشداره‌كێ تایبه‌تمه‌ند ژ وه‌لاتێ ئه‌لمانیا بو پارێزگه‌ها دهوك ژبو ئه‌نجامدانا چه‌ند كریارێن نشته‌رگه‌ریا گوهورینا جومگا و نشته‌رگه‌ریێن دوربینا جومگا رێڤه‌به‌رێ نه‌خوشخانا ته‌نگاڤیا د. عبدالله نبی گوت : ئه‌ڤ تیمه یێ پێكهاتیه ژ دوو نوشدارا ئێك د. جوتیار علی عسكر تایبه‌تمه‌ندێ گوهورینا جومگا ژ وه‌لاتێ ئه‌لمانیا و هاریكاریا د. راستیار سلام تایبه‌تمه‌ندێ نشته‌رگه‌ریا گشتی و پشتی هه‌ردوو لا رازیبوین تیمێ نوشدارێن تایبه‌تمه‌ند گه‌هشتینه پارێزگه‌ها دهوك و مه ژی چه‌ند نه‌خوش بو ئاماده‌كرن و پشتی چه‌ند نه‌خوش هاتینه پشكنین ژ لایێ وانڤه 6 كریارێن نشته‌رگه‌ریا جومگا ب رێكا دوربینێ و2 نشته‌گه‌ری گوهورینا جومگا ب هاریكاریا نوشدار و كامه‌رمه‌ندێن نه‌خوشخانا ته‌نگاڤیا یا فێركرنێ پشكا نشكه‌ستنێ , ته‌كه‌ز كر و گوت ئه‌ڤه بو جارا ئێكێیه ئه‌ڤ جوره كریارا نشته‌رگه‌ری ل پارێزگه‌ها دهوك دهێنه ئه‌نجامدان , نه‌خوش مڤایی ژێوه‌رگریت , ئه‌م وه‌ك نوشدار دێ مفای ژێ وه‌رگرین كه راهینانێ ل پارشه‌روژێ ئه‌م بخو بو خه‌لكی ئه‌ڤان جوره كریارا ئه‌نجام بده‌ین ..
ئه‌ڤ مالپه‌ره فرێکه
