ده‌ڤه‌رێن ڤه‌قه‌تیایی و خزمه‌تێن به‌رده‌وام
هاتیه بلاڤکرن روژا ئێک شه‌مبێ, 24 خزیران 2012 - 10:18am
ژبو ئاگه‌هداربوون پێتڤێن ده‌ڤه‌را تلكێف و ئه‌لقوش و لدیڤ راسپارتا به‌ێز ( ته‌مه‌ر ره‌مه‌زان ) پارێزگه‌هێ دهوك , شاده‌كێ رێڤه‌به‌ریا ساخله‌میا پارێزگه‌ها دهوك ب سه‌روكاتیا د. ( نزار عصمت ) رێڤه‌به‌رێ گشتی ساخله‌میا پارێزگه‌ها دهوك و هه‌ڤالێن دگه‌لدا سه‌ره‌دانا ده‌ڤه‌رداریا تلكێف كرن و هاتنه پێشوازیكرن ژلایێ به‌رپرسێ لیژنا ناوچا تلكێف به‌رێز ( مسلم قاسم ) دكومبونه‌كێدا به‌حسێ پێتڤێن ده‌ڤه‌رێ ب خزمه‌تێن ساخله‌میێ كرن و لدیڤدا سه‌ره‌دانا سه‌ره‌كاتیا ئه‌نجومه‌نێ ده‌ڤه‌را تلكێف كرن و هاتنه پێشوازیكرن ژ لایێ به‌رێز ( بشار كیكی ) سه‌روكێ ئه‌نجومه‌نێ ده‌ڤه‌رداریا تلكێف گوت : ئه‌ڤه سه‌ره‌دانا ئێكێیه كو رێڤه‌به‌ره‌كێ گشتی سه‌ره‌دانا ڤێ ده‌ڤه‌رێ بكه‌ت خزمه‌تێن كه‌رتێ ساخله‌میێ دره‌وشه‌كا نه باش دایه ژهه‌موو لایه‌كیڤه لدیڤ رێنمایێن حكومه‌تا عیراقا فیدرال دێ ل چه‌ند گوندا دێ مالا ساخله‌میێ هێنه دانان , ده‌ڤه‌ره‌كا وه‌سا مازن یا بێ نه‌خوشخانه نێزیكی 160 هزار مروف لڤێ ده‌ڤه‌رێ دژین , ژپێتڤێن هه‌ره گرنگێن ڤێ ده‌ڤه‌رێ نه‌خوشخانه‌یه ئه‌گه‌ر نه هوله‌كا زاروك بوونێ یا ڤه‌ره و بله‌ز , خزمه‌تێن خوپاراستنێ زور دكێمن , ئاریشا هه‌ره مه‌زن لا مه‌ركه‌زیه ژبه‌ر ئه‌ڤان هه‌می ئاریشا ئه‌م نه‌چار بووین و ده‌رگه‌هێ حكومه‌تا هه‌رێمێ بقوتین و هیڤی دارین كو ئه‌ڤ سه‌ره‌دانه بیته جهێ ره‌زامه‌ندیا خه‌لكێ ده‌ڤه‌رێ .
د. نزار عصمت رێڤه‌به‌رێ گشتی ساخله‌میا پارێزگه‌ها دهوك گوت : سلاڤێن به‌رێز ( تمر رمه‌زان ) پارێزگه‌هێ دهوكێ بو هه‌وه لسه‌ر داخوازیا وی ئه‌م هاتینه داكو ژ نێزیك سه‌روبه‌رێ ئه‌ڤێ ده‌ڤه‌رێ بینین و لدیڤ داخوازیا خه‌لكێ ڤێ ده‌ڤه‌رێ هاتینه , ئه‌گه‌ر ئه‌م به‌حسێ ئاڤاكرنا نه‌خوشخانێ بكه‌ین پێتڤی ب پاره‌كێ زوره و لێ سیسته‌مێ ل هه‌رێمێ بنگه‌هێن ساخله‌میێ دشێن هولا زاروك بوونێ تێدایه و دابینكرنا ئه‌مبلانسێ و رێژه‌كا ده‌رمانا بخوڤه دگریت , ڤه‌كرنا خولێن هێزكرنا شیانێن نوشدارو كارمه‌ندێن ساخله‌میێ , وورك شوپه‌كێ برڤره‌ه ڤه‌كه‌ن و گه‌نگه‌شێ لسه‌ر داخوازێن كه‌رتێ ساخله‌میێ ل ڤێ ده‌ده‌ڤه‌رێ رونكه‌ن . د. ( بسام عزیز ) رێڤه‌به‌رێ كه‌رتێ تلكێف گوت : ل ڤێ ده‌ڤه‌رێ مه 17 بنگه‌هێن ساخله‌میێ هه‌نه هیڤیدارین هنده‌ك ژ ئاریشێن مه بهێنه چاره‌سه‌ركرن ب هاتنا هه‌وه ژ لایێ حكومه‌تا هه‌رێما كوردستانێ و بتایبه‌ت ژ پارێزگه‌ها دهوك , بنگه‌هێن ساخله‌میێ ل ده‌ڤه‌را مه هه‌می زور دكه‌ڤنن و چ خزمه‌تێن ساخله‌میێ تێدا ناهێنه كرن كارمه‌نده‌كێ زور زور یێ هاتیه دامه‌زارندن لێ زوربه‌یا وان دبێ كارن ژبه‌ر بێ پلان دانان هاتینه دامه‌زارندن . د. یونس محمود به‌رپرسێ بنگه‌هێ ساخله‌میا ده‌سپێكی گوت : زوربه‌ی كه‌ل و په‌ل و ئامیرێن نوشداری زور دكه‌ڤنن و ژكار كه‌ڤتینه, ل سالێن 1980 دا نه‌خوشخانه بو لدیڤ برایاره‌كێ حكومه‌تا عیراقا فیدرال ئه‌ڤ نه‌خوشخانه كره بنگه‌هه‌كێ ساخله‌میا ده‌ستپێكی لێ جیاوازی دناڤبه‌را بنگه‌هێن ساخله‌میا هه‌رێمێ و ده‌ڤه‌رێ گه‌له‌كه .
به‌رێز ( سلیمان حسن ) سه‌روكێ جڤاتا ناحیا ئه‌لقوش گوت : چه‌ند داخوازی مه هه‌نه ژوان بو گوندێ ده‌رێستونێ بنگه‌هه‌كێ ساخله‌میێ دگه‌ل گوندێ خه‌تارێ دانیشتێ ڤی گوندی نێزیكی 1500 كه‌سن و پارێ وێ یێ حازره لێ هه‌كه هنده‌ك كێماسی هه‌بن وه‌كی ئامیرا وكه‌ل و په‌لا , چه‌ند گوندیێن سه‌ر ب ناحیا مه ڤه هێشتا تیمێن ساخله‌مینه ل ڤان جها ئاریشا هه‌ره مازن ده‌ما ئاخڤتن لسه‌ر ئاڤاكرنا بنگه‌هێ ساخله‌میێ حكومه‌تا عیراقا فیدرال ئه‌و پارچه ئه‌رده بهێته توماركرن , ئاریشا سه‌یێن كولانا كو لڤێ ده‌ڤه‌رێ و ته‌رش و ته‌وال ژی .
ئه‌ڤ مالپه‌ره فرێکه
