سمینارهك لدوور دانانا دهرزیكا
پشتی چهند ریدانهكێن دل تهزین هاتینه ریدان ل كوردستانێ و لدوور وێ گوتگوتكا هاتنا دهرمانێن ئێكسپایر بو ههرێمی ئهڤرو ل هولا رێڤهبهریا گشتی ساخلهمیا پارێزگهها دهوك سمینارهك لدوور چهوانیا بكارئینانا دهرزیكێن ئهنتیبایتك بو نوشدارێ دهرمانساز (رێڤینگ عبدالله عبدالكریم ) ماجستێر ب دهرمانا هاته سازكرن ب ئامادهبونا چهند دهمانسازێن سهر ب رێڤهبهریا گشتی ساخلهمیا دهوك د. رێڤینگ عبدالله عبدالكریم ماجستێر ب دهرمانا گوت : پشتی ل ڤان چهند روژێن بوری چهند شاشی و خهلهتی ههبوون لدوور بكارئینانا دهرزیكا ل دهمارا و ل چهند میدیایا هاتبو بهلاڤكرن كو چهند وهلاتیا ژیانا خو ژدهست دایه برێكا دهرمانێن سهخته ئێكسپایر لهورا ئهڤ سمیناره مه پێشكێشكر ب وجهێن پهیوهندیدار داكو ئهو خهلكێ مهژی بگههنه راستیهكێ و نیشاندانا رێكا دروست یابكارئینانا ڤان جوره دهرزیكا برێكا دهمارا , براستی كو خهلكێ مه لڤان دوماهیا برێژهكا زور ڤان جوره دهرزیكا بكاردئینیت برێكا دهرمارا راسته مڤایهكێ باش ههیه لێ زیانێن خوژی ههنه لێ بهروهخت زیانا وێ دیار نابیت ودبیته ئهگهرێ نهخوشێن گران و دبیت گیانێ خو ژی ژدهست بدهت ئهم وهك دهرمانساز ئهركێ لسهر ملێن مهیه كو لدیڤ سالوخهتێن ستاندارێن جیهانی بو دهرمانساز و كارمهندێن خور ون و ئاشكرا بكهین , هیڤیدارم ژ وهلاتێن خو دكهین ههتا پێدڤیا وان یا زور بدرمان و دهرزیكا نهبیت بلا بكارنهئینن .
د. نوژدار صلاح الدین دهرمانساز گوت : یا پێدڤیه كو خهلكێ كارمهندێن مه رهوشهنبیریهكا باش ل جهم وان ههبیت بكارئینانا چهوانیا بكارئینانا دهرزیكا ب رێكا دهمارا ژبهر زیانێن وێ ههنه نابیت ههمی كهس ئهڤان جوره دهرزیكا بكاربینیت ئهگهر نهزانین زهرهز زیان و مڤاێن ڤان دهرزیكا چنه و بهێن بكارئینان ل سهقایهكێ نهساخلهم یان یێ نه تافیلكری داكو یێ پاراستی بیت ژ سهرباركێن وێ , پشتی ئهڤێ سمیناری كو لسهر سیستهمێ وهلاتێن پێشكهڤتی پێدڤیه ئهڤ جوره دهرزیكه بهێنه بكارئینان كو ئهڤ دهرزیكه برێكا دهمارا دهێنه بكارئینان نابیت ل جهێن تایبهت بهێنه بكارئینان پێدڤیه ل نهخوشخانا بتنێ بكاربهێت و لدیڤ رێنماێن دهرمانسازا بیت تهكهزكهر گوت بلا وهلاتی یێ هشیار بیت ژیانا خو نهئێخیته دمهترسێدا ههتا یێ پشت راست بیت ژ وی كهسێ كو ڤێ دهرزیكی بو دانیت , جارهكا دی دێ بیژم كو بلا خهلكێ مه ئهڤان جوره دهرزیكا ل كلینیكێن ناڤ مالادا نهدانن بتێ ل نهخوشخانا ژبهر كو دهما ههر رێدانه دیار دبیت لناڤ نهخوشخانێ نوشدار و كارمهندێن ساخلهمێ دێ ڤێ ئاریشێ چارهسهركهن .