به‌راورده‌یه‌ك دنابه‌را سه‌ره‌دانا نه‌خوشا به‌ری ره‌مه‌زانی و هه‌یڤا ره‌مه‌زانێ‌

خزمه‌تێن كه‌رتێ‌ ساخله‌میێ‌ یا به‌رده‌وامه‌ چ ب روژ چ ب شه‌ڤ هه‌می نه‌خوشی ل نه‌خوشخانێن حكومه‌تا هه‌رێما كوردستانێ‌ دهێنه‌ چاره‌سه‌ركرن و هه‌می پێداویستێن نوشداری دبه‌رهه‌ڤن وه‌كی ده‌رمانا و ئامیرێن پێدڤی بو ئه‌نجامدانا كریارێن نشته‌رگه‌ری و نوشدارو كارمه‌ندێن نه‌خوشخانا ته‌نگاڤیا بو ماوێ‌ 24 ده‌مژمێرا كاردكه‌ن و شه‌ڤێ‌ دكه‌نه‌ روژ و روژێ‌ دكه‌نه‌ شه‌ڤ پێخه‌مه‌ت پاراستنا ساخله‌میا وه‌لاتیا ل پارێزگه‌ها دهوك به‌رێز عصمت سلمان به‌رپرسێ‌ پشكا ئامارێ‌ ل نه‌خوشخانا ئازادی یا فێركرنێ‌ گوت : ل نه‌خوشخانا مه‌ كو هه‌می پێدڤێن نه‌خوشا دابینكرینه‌ و چه‌ند پشكا خو ڤه‌دگریت ژوان چه‌ند شیره‌كارێن تایبه‌تمه‌ند هه‌نه‌ و خزمه‌ت بو نه‌خوشا تێدا دهێنه‌ پێشكێشكرن به‌راورد كرن لدوور سه‌ره‌دانا نه‌خوشا لنه‌خوشخانێ‌ به‌ری ره‌مه‌زانێ‌ كو وه‌كی دیار كو رێژا وان به‌ره‌و زێده‌بونڤه‌یه‌ وه‌كی یا دیار كو ماوێ‌ هه‌یڤه‌كێ‌ به‌ری ره‌مه‌زانێ‌ و دهه‌یڤا ره‌مه‌زانێ‌ دیار دبیت كو سه‌رده‌دانێن به‌ری ره‌مه‌زانێ‌ 7219  ودهه‌یڤا ره‌مه‌زانێ‌ 7851  و زاروكێن هاتینه‌ سه‌ردونیایێ‌ به‌ری ره‌مه‌زانی 994 ژوان 596 كورن و دهه‌یڤا ره‌مه‌زانێدا 906 زاروك ژ وان 588 كور بوون . ل نه‌خوشخانا ته‌نگاڤیا د. عبدالله‌ ابراهیم هاریكارێ‌ ریڤه‌به‌ری گوت : وه‌كی یا دیار كو نه‌خوشخانا مه‌ یا دخزمه‌تا خه‌لكێ‌ دهوكێ‌ و ده‌ورو به‌رێن وێ‌ كو نوشدار و كارمه‌ندێن وێ‌ دابه‌شكرینه‌ لسه‌ر 3 شه‌ڤتا هه‌ر ده‌مه‌كێ‌ مروڤ پێدڤی بیت یا ئاماده‌یه‌ ئه‌و هه‌یڤا به‌ری ره‌مه‌زانێ‌ 40197 كه‌سا سه‌ره‌دانا مه‌ یاكری و 38373 كه‌سان سه‌ره‌دانا مه‌ كریه‌ و ئاریشه‌ و نه‌خوشێن جورا و جور بوینه‌ ..