ساخلهمییا جیهانی: خوشحاله همبهر خزمهتێن ساخلهمیێ ل كهمپا دومیز
ژ پێخهمهت ژ نێزیك هایداربوون لسهر رهوشا ساخلهمییا ئاوارهیێن كوردێن سووریێ ل كهمپا دومیز،ل پێنج شهمبیا بووری رێكهفتی 13\9 شاندهكێ رێكخراوا ساخلهمیا جیهانی ب سهروكاتیا د. سهید جعفر رێكخهرێ رێكخراوا ناڤبری ل ئیراقێ و ب یاوهریا شاندهكێ ساخلهمیا دهوكێ سهرهدانا كهمپا ناڤبری دا.
دڤێ سهرهدانێ دا رێكخهرێ رێكخراوا ساخلهمییا جیهانێ ل ئیراقێ خوشحالیا خو دهربری همبهر وان خزمهتێن ساخلهمیێ یێن دهێنه پێشكێشكرن ژ ئالیێ ساخلهمیا دهۆكێ ، د ئالیهكێ دی دا بهرههڤیێن رێكخراوا ساخلهمیا جیهانی دیاركرن بۆ ههر كارهكێ ههبیت ژ ئالیێ ساخلهمیێ ڤه خزمهت بۆ كهمپا ناڤبری بهێنهكرن.
ژ ئالیێ خوڤه بهرپرسێن ساخلهمیێ ل پارێزگههێ دا دیاركرن، دگهل هاتنا ئاوارهیێن سووریێ و دروستكرنا كهمپا دومیز ل پارێزگهها دهۆكێ رێڤهبهریا گشتی یا ساخلهمیێ ب ههمی سازیێن خۆ ڤه كهفتیه كاری و خزمهتێن جودا پێشكێشی وان كرینه، مینا دانانا بنگهههكێ ساخلهمیێ ل كهمپێ ژ نوشدار و هاریكارێن نوشداری و بڕینپێچا، ههروهسان تیمێن یهكا مهلاریایێ روژانه رادبن ب رهشاندنا كهمپیَِ ژ بو نههێلانا مێش و مور و زیاندهوهرا بشێوهكێ روژانه، زێدهباری تیمێن رهوشهنبیریا ساخلهمیێ روژانه دكاری دایه ژ بو بهلاڤكرنا رهوشهنبیریا ساخلهمیێ برێكا سمینار و بهلاڤكرنا پوستهر و لیفلێت و فلێكسا د ناڤ ئاكنجیێن وێدا .
ههروهسان ساخلهمیا دهوكێ دیاركر، دگهل دهستپێكرنا ههوا ڤاكسیندانێ دژی نهخوشیا فالنجا زاروكا ل پارێزگههێ تیمێن ڤاكسیندانێ بۆ ماوهیێ ( 5 ) روژان دناڤ كهمپا ناڤبری دا ب ئهركێ خو رادبوون ژ بوی پاراستنا گیانێ زاروكێن وان یێن لژ ێر 5 سالیێ