25 ئاوارهیێن سووریێ پشكداریێ د خولهكا ساخلهمیێ دا دكهن
هاتیه بلاڤکرن روژا سێ شهمبێ, 25 ئهیلول 2012 - 9:13pm
بهرپرسێ پروگرامێن ساخلهمیێ ل رێڤهبهریا گشتی یا ساخلهمیێ ل پارێزگهها دهوكێ راگههاند، 25 گهنجێن ئاوارهیێن سووریێ ل كهمپا دومیز وهك خو بهخش پشكداری د خولهكا چاوانیا رێكێن خوپاراستنا ساخلهمیا دكهن.
د. بهختیار رهشید گۆت: خولا ناڤبری ساخلهمیا دهۆكێ ڤهكریه بۆ ماوهیێ 3 روژان یا بهردهوام بیت و دیاركر، دناڤ كهمپا دومیز دا مهترسیا نهخوشیێن ڤهگر گهلهك ههیه و بههرا پتر بڕێكا تێكهل بوونا ئاڤێ دگهل پاشمایێت مروڤان و پیساتیێ دهێنه بهلافكرن، ئاماژهكر بو رێگرتن ل ههمبهر ڤان نهخوشیا ههوهكا بهرفرهه یا هشیاریا رهوشهنبیریا ساخلهمیێ دناڤ كهمپێ دا دهێته ئهنجامدان ژ ئالیێ تیمێن كاروبارێن خوپاراستنا ساخلهمیێ دهێته ئهنجامدان.
ناڤهاتی زێدهتر گۆت: بفهر هاته دیتن ئاكنجیێن كهمپێ بهێنه دهستنیشانكرن چونكه خهلكێ وانه و ب ئهزمانێ وان دێ تێگههینن كو خیڤهت خیڤهت بگهرن و نامهیێن ساخلهمیێ بۆ شروڤه بكهن و دیاركر، ئهڤ ههوه تا دوماهیا ئهڤ ساله ب ههڤكاری و پشتهڤانیا رێكخراوا یونێسێڤ دێ یا بهردهوام بیت.
ههژی گوتنێ یه خولا ناڤبری ل رێڤهبهریا كاروبارێن خوپاراستنا ساخلهمیێ ژ ئالیێ چهند نوژدارێن تایبهتمهند دهاته بڕێڤهبرن، بڕیاره خوبهخشێن ناڤبری ژ نها و پێدا و بسهرپهرشتیا ساخلهمیا دهوكێ دناڤ كهمپێ دا بكهڤنه كاری.