سه‌رۆكێ حكوومه‌تا هه‌رێما كوردستانێ به‌رێ بنیاتێ نه‌خۆشخانه‌یه‌كا 300 ته‌ختی ل دهۆكێ دانا
هاتیه بلاڤکرن روژا جارشه‌مبێ, 26 ئه‌یلول 2012 - 1:17pm
ب ئاماده‌بوونا به‌رێز ( نێچیرڤان بارزانی) سه‌رۆكێ حكوومه‌تا هه‌رێما كوردستانێ و د رێ و ره‌سمه‌كی د اكو وه‌زیرێ باژێرڤانیێ ل جهێ وه‌زیرێ ته‌ندروستی تێدا ئاماده‌ببوو و دیسان ژماره‌یه‌كا وه‌زیر و بریكارێن وه‌زیران و پارێزگه‌رێ دهۆكێ و ژماره‌یه‌كا زور یا رێڤه‌به‌رێن دام و ده‌زگایێن حكوومی ل سنورێ پارێزگه‌ها دهۆكێ، رۆژا 25/9/2012 به‌رێ بناغه‌ی بۆ نه‌خۆشخانه‌یه‌كا 300 ته‌ختی یا ته‌نگاڤیان و گشتی ل دهۆكێ هاته دانان.
ئه‌ڤ نه‌خۆشخانه دێ ل سه‌ر بۆدجه‌یا حكوومه‌تا هه‌رێما كوردستانێ هێته ئاڤاكرن و كوژمێ (108) ملیار دیناران بۆ هاتینه ته‌رخانكرن.
سه‌رۆك وه‌زیران د په‌یوه‌كێ دا خوشحالیا خوه ده‌ربری و هیڤی خواستن كو ب ئه‌نجامدانا ئه‌ڤی پرۆژه‌ی كێشه‌یا نه‌بوونا نه‌خوشخانه‌یه‌كا ته‌نگاڤیان نه ب تنێ بۆ دهۆكێ به‌لكوو بۆ ده‌ڤه‌رێ، سێمێلێ و ده‌وروبه‌ران ژی چاره‌سه‌رببیت و ب ڤێ هه‌لكه‌فتێ قیروزباهی ل خه‌لكێ دهۆكێ و ده‌ڤه‌رێ كر، هه‌روه‌سان هیڤی خواست كو پرۆژه ل ده‌مێ خوه یێ دیاركری ب دووماهی بهێت.
به‌رێز نێچیرڤان بارزانی سوپاسیا كومپانیا جێبه‌جێكار و سه‌رپه‌رشتێ وێ كر كو كومپانیه‌كا كه‌رتێ تایبه‌ته و ئاماژه دا ب وێ چه‌ندێ كو كومپانیا ( ڤینس) كار و خزمه‌ته‌كا باش ل هه‌ولێر و دهۆكێ پێشكێش كریه و هه‌روه‌سا وێ كومپانیێ نه‌خوشخانا زاخۆ ژی ب دووماهی ئینایه و دیسان سوپاسیا وان به‌رهه‌مئێنران كر كو خزمه‌تا وه‌لاتێ خوه دكه‌ن و پشكداریێ د پرۆسا ئاڤه‌دانكرنا كوردستانێ دا دكه‌ن.
د.نزار عسمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ ژی د په‌یڤا ب خێرهاتنێ دا دیاركر كو ب ئاڤابوونا ڤێ نه‌خۆشخانێ دێ گه‌له‌ك ئاریشه‌یێ، ساخله‌میێ چاره‌بن و ب تایبه‌ت ل سێمێلێ و ده‌وروبه‌ران و ده‌ڤه‌رێن ڤه‌قه‌تیای ژی دێ مفای ژ خزمه‌تێ، وێ بینن.
ئه‌ڤ مالپه‌ره فرێکه
