زانكۆیا سانت ئهندریا و ساخلهمیا دهۆكێ ل سهر چوار خالان ب رێكهفتن
هاتیه بلاڤکرن روژا شهمبی, 29 ئهیلول 2012 - 10:56pm
پشتی شاندهكێ ساخلهمیا دهۆكێ ل وهلاتێ ئیتالیا ڤهگهریای، دوهی د پرێس كونفرانسهكی دا خالێن رێكهفتنهكێ دناڤبهرا ساخلهمیا دهۆكێ و زانكۆیا سانت ئهندریا هاتنه خویاكرن.
د.عهبدوللا جاسم رێكانی رێڤهبهرێ نهخوشخانا ئازادی یا فێركرنێ ب وهكالهت دیاركر كو بهری نوكه ژی رێكهفتنهك دناڤبهرا ههدو ئالیان دا ههبوویه و گۆت: ل ڤێ سهرهدانێ مه هندهك خال ژ وێ رێكهفتنێ راستڤهكرن.
ل دۆر خالێن رێكهفتنێ ژی د.عهبدوللای گۆت: ئهم رێكهفتینه كو نوشدار و كارمهندێن ساخلهمیێ و ب تایبهت یێن گهنج بۆ نهخوشخانا وان بهێنه هنارتن و ئهو رازی بووینه و بۆ ههر پشكهكێ نودارهك دێ هێته فێركرن بۆ راهێنانێ و دیسان ئهم رێكهفتینه كو ئالیهتهك بهێته دروستكرن بۆ هنارتنا نهخوشێن كونههێنه چارهسهركرن ل نهخوشخانێن دهوكێ بو نهخوشخانا سانت ئهندریا، و ئهستووكرنا كوژمێ چارهسهریێ چ ژلایێ رێڤهبهریا گشتی یا ساخلهمیا دهوكێ ڤه بیت یان ژی ژلایێ وهلاتیان ڤه بیت.
رێڤهبهرێ نهخوشخانا ئازادی ب وهكالهت دیاركر ژی كو ئێك ژ خالێن رێكهفتنێ ئهوه دهمێ پشكهكا نوو ل نهخوشخانێن مه دهێته ڤهكرن ئهم دێ شێین داخوازا هاریكاریێ ژ وان كهین و گۆت: ههروهسان لایهنێ ئیتالی ژی داخواز كریه پهیوهندی بهێنه دروستكرن ل گهل فاكولتیا زانستێن پزیشكی ل زانكۆیا دهۆكێ.
دلایهكێ دی یێ رێكهفتنێ دا ل دووڤ گۆتنێن رێڤهبهرێ نهخوشخانا ئازادی چارهسهریا نهخوشێن تالاسیمیایێ بوویه و گۆت: د ڤی واری دا ژبلی هنارتنا نهخوشان، سالانه نهخوخانا ناڤبری دێ رابیت ب راهێنانا 5-6 نوشدارێن دهوكێ و دیسان 8-10 پهرستاران كو بشێن چاڤدێریا نهخوشی ل ڤێرێ بكهن.