ب بڕیارا سه‌رۆكێ جڤاتا وه‌زیرێن حكوومه‌تا هه‌رێما كوردستانێ پلانه‌ك ژ بۆ ب كارخستنا نه‌خۆشخانه‌یا 200 ته‌ختی ل زاخۆ هاته دارێتن
هاتیه بلاڤکرن روژا شه‌مبی, 29 ئه‌یلول 2012 - 10:57pm
ژ پێخه‌مه‌ت ب كارخستنا نه‌خۆشخانه‌یا 200 ته‌ختی ل زاخۆ كو ب باشترین شێواز بكه‌ڤیته د خزمه‌تا وه‌لاتیێن ده‌ڤه‌رێ دا، ب ئاماده‌بوونا د.ره‌نج نوری شاویس شیره‌تكارێ سه‌رۆك وه‌زیرێن حكوومه‌تا هه‌رێما كوردستانێ، دوهی 29/9/2012 و ب ئاماده‌بوونا رێڤه‌به‌رێ گشتیێ ساخله‌میا پارێزگه‌ها دهۆكێ و چه‌ند سه‌رۆك پشك و رێڤه‌به‌رێ ساخله‌میێ قه‌زا زاخۆ كۆمبوونه‌ك هاته سازكرن.
د.نزار عصمه‌ت رێڤه‌به‌رێ گشتیێ ساخله‌میا پارێزگه‌ها دهۆكێ ل ده‌ستپێكێ روهنكرنه‌ك دا ل سه‌ر ره‌وشا نه‌خۆشخانا ناڤبری و ساخله‌میێ ل زاخۆ و دیاركر كو پلانا وان ئه‌وه نه‌خۆشخانا كه‌ڤن یا زاخۆ ببیته نه‌خۆشخانا ته‌نگاڤیان و ستافه‌كێ نوو بۆ نه‌خوشخانا 200 ته‌ختی بهێته دامه‌زراندن و گۆت: پێنگاڤ ل گه‌ل وه‌لاتێن ئیتالیا و هندێ هاتینه هاڤێتن بۆ مفا وه‌رگرتن ژ شانێن وان.
د.ره‌نج نوری شاویس ژی خواست كو كارنامه‌یه‌ك ژلایێ رێڤه‌به‌ریا گشتی یا ساخله‌میا پارێزگه‌ها دهۆكێ بهێته ئاماده‌كرن و دیسان پلانه‌ك بهێته دانان ل دۆر چاوانیا ئاماده‌كرنا نوشدار و كارمه‌ندێن ساخله‌میێ و كارگێری سه‌باره‌ت ب كارخستنا نه‌خوشخانێ و د كومبوونا ناڤبری دا پشتی چه‌ندین دان و ستاندن هاتینه كرن، بریار هاته دان كو كارگێریا نه‌خوشخانێ ده‌ست ب كارببیت و هه‌موو كێماسیان ده‌ستنیشان بكه‌ت ژبۆ وێ یه‌كێ كو نه‌خوشخانه ب شێوازه‌كێ مودرن بكه‌ڤیته د خزمه‌تا وه‌لاتییێن ده‌ڤه‌رێ دا.
ئه‌ڤ مالپه‌ره فرێکه
