لیژنه‌یه‌ك بۆ دووڤچوونا كلینیكێن نوژداران و نوشدارێن ددانان هاته‌ پێكئینان

ژ بۆ كونترولكرنا پێشه‌كاریێن شاش ل كلینیكێن نوژداران و دووڤچوونا پاقژیا وان و سه‌ره‌ده‌ریا وان ل گه‌ل نه‌خۆشان، ب سه‌رپه‌رشتیا د.نزار عصمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ و ب ئاماده‌بوونا سه‌رۆكێ‌ لقێ‌ دهۆك یێ‌ سه‌ندیكا نوشدارێن كوردستانێ‌ و دیسان سه‌ندیكا نوشدارێن ددانان كۆمبوونه‌ك هاته‌ سازكرن و تێدا مه‌رجێن كلینیكان و پاقژی و سه‌ره‌ده‌ریا نوژداران و ئه‌تیكێن كارێ‌ نوشداریێ‌ و بهایێن كلینیكان و پێشه‌كاریێ‌ شاش وه‌كو ژبه‌ربرنا زارۆیان یان ئه‌نجامدانا هنده‌ك نشته‌رگه‌ریێن كو پێدڤی یه‌ ل كلینیكان نه‌هێنه‌ ئه‌نجامدان هاتنه‌ به‌حسكرن.
د كۆمبوونێ‌ دا بریار هاته‌ دان هه‌موو نوشدار پێگیریێ‌ ب رێنمایان بكه‌ن و هه‌یڤه‌ك ده‌لیڤه‌ بۆ هاته‌ دان كو كێماسیان چاره‌سه‌ربكه‌ن.
هه‌روه‌سان بریار هاته‌ دان لیژنه‌یه‌ك ب سه‌رپه‌رشتیا رێڤه‌به‌ریا گشتتی یا ساخله‌میا پارێزگه‌ها دهۆكێ‌ و ب هه‌ڤكاریا سه‌ندیكایێ‌ ناڤبری و ده‌زگه‌هێن ئێمنماهیێ‌ بۆ دووچوونا بابه‌تان بهێته‌ پێكئینان.