لیژنه‌یا بالا یا ساخله‌میێ هایداری جهێن گشتی ل كه‌مپا دومیز بیت
هاتیه بلاڤکرن روژا سێ شه‌مبێ, 2 چریا ئيكى 2012 - 6:46pm
لیژنه‌یا بالا یا ساخله‌میێ ل پارێزگه‌ها دهۆكێ ب مه‌ره‌ما ژ نێزیك هایدار بوون لسه‌ر جهێن گشتی د ناڤ كه‌مپا ئاواره‌یێن كوردێن ل دومیز سه‌ره‌دانه‌ك سازكر.
دڤێ سه‌ره‌دانێ دا ب به‌رهه‌ڤبوونا رێڤه‌به‌را كاروبارێن خۆپاراستنا ساخله‌میێ " د. بێریڤان ئامێدی " د گه‌لدا رێڤه‌به‌رێ كه‌مپێ و نوونه‌رێن چه‌ندین سازیێن پشكدار دناڤ لیژنه‌یا بالا یا ساخله‌میێ دا سه‌ره‌دانا خوارنگه‌ه و ماركێت و جهێن گشتی دناڤا كه‌مپا ناڤبریدا كر، بڕیار هاته دان هه‌موو جه ژ روژا 3/10/2012 بهێنه گرتن ژبه‌ر نه‌گونجاندنا جهێن وان دناڤ كه‌مپێ دا.
دڤێ پرسێدا لیژنه‌یا بالا یا ساخله‌میێ ل پارێزگه‌ها دهۆكێ بڕیاردا جهه‌كێ تایبه‌ت بو ماركێت و خوارنگه‌ه و جهێن دی یێن گشتی ب زوترین ده‌م بهێته دروستكرن ژ پێخه‌مه‌ت پاراستنا ساخله‌میا گشتی یا وه‌لاتیێن كه‌مپا دومیز.
پێشتر رێڤه‌به‌رێ كوچ و كوچبه‌رێن دهوكێ راگه‌هاندبوو ژمارا ئاواره‌یێن كوردێن سووریێ ل پارێزگه‌ها دهۆكێ ژ 30 هزار كه‌سان ده‌ربازبوویه ، سازیێن ساخله‌میێ ژی دگه‌ل ده‌ستپێكا هاتنا وان پێنگاڤێن باش هاڤێتینه ژ پێخه‌مه‌ت خزمه‌تكرنا ئاكنجیێن كه‌مپێ.
ژ ئالیێ خوڤه نوینه‌رێ رێكخراوا ساخله‌میا جیهانی د سه‌ره‌دانا خویا به‌ری چه‌ند روژان بۆ كه‌مپا ناڤبری خزمه‌تێن ساخله‌میێ دناڤ كه‌مپێ دا ب بلند نرخاند بوون.
هه‌ژی گوتنێ یه لیژنه‌یا بالا یا ساخله‌میێ ل پارێزگه‌هێ ژ چه‌ندین فه‌رمانگه‌هێن میری ل پارێزگه‌هێ پێك دهێن ب سه‌روكاتیا ده‌ڤه‌ردارێ دهۆكێ به‌رده‌وام ئه‌ركێن خۆ ئه‌نجام دده‌ن.
ئه‌ڤ مالپه‌ره فرێکه
