رێكخراوا ساخلهمیا جیهانی: وهلاتیێن باژێرا زێدهتر ژ یێن گوندا توشی نهخوشیێن دلی دبن
هاتیه بلاڤکرن روژا سێ شهمبێ, 2 چریا ئيكى 2012 - 6:53pm
لدووڤ سهرژمێریهكا رێكخراوا ساخلهمییا جیهانی دیاردكهت، وهلاتیێن باژێرا زێدهتری ئاكنجیێن گوندا توشی نهخوشیێن دلی دبن و ئاماژهكریه، سالانه زێدهتر 17 ملیون وهلاتیان ل جیهانێ ب نهخوشیێن دلی گیانێ خۆ ژ دهست ددهن.
ساخلهمیا دهۆكێ ژی سالانه ب ههلكهفتا رۆژا جیهانی نهخۆشیێن دلی كۆ دكهڤیته 29\9 چهندین چالاكیان سازكرینه، بڤێ ههلكهفتی چهندین سمینار گێراینه ب ئارمانجا هشیاركرنا وهلاتیان لسهر نهخوشیێن دلی و ههروهسان گرنیگیا ژیانهكا ساخلهم و لڤینا لهشی و نهجگارهكێشان بۆ وهلاتیان دیاردكهت.
د. وهفا سالح روشدی بهرپرسا هۆبا ئێشێن نهڤهگر ل رێڤهبهریا كاروبارێن خۆپاراستنا ساخلهمییا دهۆكێ راگههاند، بڤێ ههلكهفتی چهندین چالاكی دێ هێنه سازدان ب ئارمانجا هشیاركرنا وهلاتیێن مه لسهر مهترسیێن نهخوشیێن دلی و گۆت: لدووڤ سهرژمێریهكا رێكخراوا ساخلهمییا جیهانی دیاركریه ژ ههر 1000 كهسان 12 كهس ل ههرێمێ و ئیراقێ توشی نهخوشیێن دلی دبن، ڤێ سهرژمێریێ دیاركریه سالانه زێدهتری 17 ملیون كهسان ل جیهانێ پێ دمرن.
بهرپرسا هۆبا ئێشێن نهڤگهر دیاركرژی: مهترسیا ههبوونا نهخۆشیێن دلی زێدهتر ل دهڤ ئاكنجیێن باژێرا ههیه ژ یێن گۆندا و ئهڤ چهنده ڤهگهراند، كو ئاكنجیێن گۆندا زێدهتر وهرزش و كاری دكهن زێدهباری خوارنهكا سروشتی یا ساخلهم كۆ دبنه ئهگهر لاشهكێ ساخلهم ههبیت دوور ژ ههر نهخوشیهكێ و بتایبهت یێن دلی.
زێدهتر گۆت: ساخلهمیا دهۆكێ تهئكیدێ لسهر خوارنا ساخلهم وهرزشهكا بهردهوام و دوور ژ جگارهكێشانێ بۆ وهلاتیان دكهت ژ پێخهمهت پاراستنا گیانێ وان.