لیژنهیا بالا یا ساخلهمیێ ژ نها و پێدا سهرهدان و پێرابوونێن مه ل ناڤ جهێن گشتی دێ توند تر بن
هاتیه بلاڤکرن روژا جارشهمبێ, 3 چریا ئيكى 2012 - 9:32pm
ب مهرهما ژ نێزیك هایداربوونێ لسهر پێگیریا جهێن گشتی دناڤ بازارێ پارێزگهها دهۆكێ ب رێنومایێن ساخلهمیێ، لیژنهیا بالا یا ساخلهمیێ ل پارێزگهها دهۆكێ سهرهدانا چهندین خوارنگههـ و تهزیاتیا دا ل ناڤ پارێزگههێ.
لیژنهیا ناڤبری ژ چهندین سازیێن حوكمهتێ ل پارێزگههێ پێك دهێن ب سهرۆكاتییا دهڤهردارێ دهۆكێ، د سهرهدانا دوهی یا لیژنهیا ناڤبری چهند جه هاتن سزادان و ههروهسان دوپاتی لسهر پێگیریا جهێن ناڤبری هاتهكرن ب رێنمایێن ساخلهمیێ.
بوتان موحسن سهرۆكێ لیژنهیا بالا یا ساخلهمیێ ل پارێزگههێ دیاركر، چهند جه هاتنه گرتن و سزادان ب پارهیی و هوشداری هاته دان بۆ چهند خوارنگههـ و تهزیاتیا و ئاماژهكر لدهمێ دوبارهكرنێ سزا دێ توندتر بن و گۆت: سهرهدانێن لیژنهیا بالا دێ د بهردهوامبن بۆ هندێ ژیانا وهلاتیێ مه یا پاراستی بیت و چاڤهرێیه ل ئێكشهمبییا بهێت ب ههما شێوه سهرهدان بۆ چهندین جهێن دی یێن گشتی بهێته كرن دگهل سهرهدانا چهند قوتابخانێن پارێزگههێ.
ژ ئالیێ خۆ ڤه د. بێریڤان ئامێدی رێڤهبهرا كاروبارێن خۆپاراستنا ساخلهمیێ گۆت: دڤێ سهرهدانێ دا ئارمانجا مه ئهوه ئهم وهكو سازیێن حوكمهتێ یێن پهیوهندیدار خۆ ل جهێن گشتی بكهینه خودان و ههروهسان خهلكێ مهیێ ئاگههداربیت لسهر رێنومایێن ساخلهمیێ و دیسان هوشداریێ بدهینه جهێن گشتی پێگیر بن ب رێنومایێن ساخلهمیێ و دیاركر، ددهمێ داهاتیدا سهرهدانێن لیژنهیا بالا یا ساخلهمیێ دی پتر لێ هێن و ب توندتر كارێ خو دێ ئهنجامدهین.
ئامێدیێ گۆتژی، دسهرهدانا مهدا گهلهك جهـ هاتنه دیتن كو زۆر پێگیر بووینه ب رێنوماو بریارێن لژنهیا بالا یا ساخلهمیێ كو ئهڤه ژی جهێ دلخۆشیێیه و دیاركر چاڤهرێیه ل دووماهیا ڤێ ههوا بهرفرهها لژنهیا ناڤبری، دێ رێز ل چهندین جهان هێته گرتن.