كۆمبوونهكا بهرفره ل دۆر كونترۆلكرنا نهخۆشیا كولێرایێ هاته كرن
ژ پێخهمهت وهرگرتنا پێرابوونێن دژوارتر ژبۆ كونترۆلكرنا نهخۆشیا كولێرایێ، دوهی 3/10/2012 ب سهرپهرشتیا د.نزار عصمهت، رێڤهبهرێ گشتیێ ساخلهمیا پارێزگهها دهۆكێ و ب ئامادهبوونا ههر ئێك ژ رێڤهبهرێن( ئاڤ، ئاڤا دهروروبهران، ژینگهه) و نوونهرێ رێڤهبهریا گشتی یا گهشت و گوزاری كۆمبوونهك هاته سازكرن.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو پشتی وهلاتیهكی ل مووسل خواری و قهستا دهۆكێ كری، نهخۆش بوویه و پشتی هاتیه نهخوشخانێ نوشداران گومان ژ توشبوونا وی ب نهخۆشیا كولێرایێ برینه و گۆت: ب ههڤكاری ل گهل رێڤهبهریێن پهیوهندیدار مه ل بهره پێرابوونێن دژوارتر وهربگرین ژ بۆ كونترۆلكرنا نهخۆشیێ.
د.بهختیار ئهحمهد رهشید، بهرپرسێ رێكخراوان ل رێڤهبهریا ناڤبری دیاركر كو دهرئهنجامێن كۆمبوونێ دیاركرن و گۆت: ئهم گههشتینه وێ بڕیارێ كو پێدڤیه ئاڤ ب دوجاركی نوكه بهێته كلوركرن و دیسان زهرزهوات و دهوێ ب دهست دهێته دروستكرن بهێته قهدهغهكرن ل خوارنگههان و پشكنین بۆ ههموو كرێكاران بهێنه كرن، ههروهسان د.بهختیار گۆتژی ل دهڤهرێن كهلهكچی و ئاكرێ و كهمپا دومیز دێ پێرابوونێن باش د وارێ زێرهڤانی و هشیاریا ساخلهمیێ دا هێنه وهرگرتن و بریار ئهوه ل ئێكهتیا زانایێن ئایینێ ئیسلامێ ژی ئهو كار بۆ هشیاریێ بكهن.
د.نورهدین عهبدوللا حهمدی، بهرپرسێ بنگههێ زانین یێ ساخلهمیا قوتابخانهیان ژی دیاركر كو وان ل بهره ههموو تانكێن ئاڤێ پاقژ رابگرن و ئاڤ بهێته تافیلكرن و ئهو دێ كار ل سهر پاقژراگرتنا قوتابخانهیان كهن.