گومانلێكریێ كولێرایێ نیگهتیف دهرچوو
د.نزار عسمهت، رێڤهبهرێ گشتیێ ساخلهمیا دهۆكێ دیاركر پشتی گومانلێكرنا كهسهكی كو نهخۆشیا كولێرایێ ههیه و نڤاندنا وی ل نهخۆشخانێ و پشتی ئهنجامێن پشكنینا وی دهرچووین دیاربوو ئهنجامێن وی نێگهتیف بوون و وی كهسی نهخۆشیا كولێرایێ نینه و ب ڤێ چهندێ پارێزگهها دهۆكێ ب ههموو قهزایێن ب سهرڤه ڤالا دمینیت ژ نهخۆشیا كولێرایێ و چ حالهت نههاتینه توماركرن. رێڤهبهرێ گشتیێ ساخلهمیا پارێزگهها دهۆكێ ئهوژی دیاركر ههولێن وان د بهردهوامن بۆ كونترۆلكرنا نهخۆشیا ناڤبری و ب ههڤكاری ل گهل رێڤهبهریێن ( ئاڤا دهۆكێ، ئاڤا دهوروبهرێن دهۆكێ، ژینگهه، گهشت و گوزار و پهروهرده) بهردهوام ب چارهكرنا كێماسیان و هشیاركرن و رهوشهنبیركرنا وهلاتیان ل دۆر رێكێن خوپاراستنێ رادبن وگۆت: لیژنا بالا یا كونترولكرنا نهخۆشیێ ژی بهردهوامه ل سهر ئهنجامدانا كۆمبوونێن خوه و ئاراستهكرنا رێنمایێن تایبهت بۆ وهلاتیان ل دۆر چاوانیا سهرهدهریكرنێ ل گهل ژیانا خوه یا رۆژانه.