ئه‌و كچا ل هه‌ولێرێ‌ گیانێ‌ خوه‌ ژده‌ست دای ژێده‌رێ‌ نه‌خۆشیا وێ‌ دهۆك نه‌بوویه‌

پشتی به‌لاڤبوونا نوچه‌یێ‌ ژده‌ستدانا گیانێ‌ كچه‌كا دهۆكێ‌ ب نه‌خۆشیا كولێرایێ‌ ل پارێزگه‌ها هه‌ولێرێ‌، د.نزار عصمه‌ت رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دداخویانیه‌كێ‌ دا مخابنیا خوه‌ ل هه‌مبه‌ر ڤێ‌ بۆیه‌رێ‌ دیاركر و گۆت:ب مخابنیڤه‌ دو كه‌سێن پارێزگه‌ها دهوكێ‌ سه‌ره‌دانا ده‌ڤه‌را رانیا كریه‌ ولوێرێ‌ نه‌خوش كه‌ڤتینه‌ و تووشی زكچونێ‌ بووینه‌ كو نه‌خوشیا كولێرایێه‌ وزوی ب زوی گه‌هاندینه‌ هه‌ولێرێ‌ و چاره‌سه‌ری بو ده‌ملده‌ست نه‌هاتیه‌كر و پشكنین بله‌ز بو نه‌كریه‌ كو كچا وێ‌ گیانێ‌ خوه‌ ژده‌ست دایه‌ بخوشحالیڤه‌ كو ده‌یك یا لبن چاڤدێرا نوشداراڤه‌. رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ دیاركر ژی ژێده‌رێ‌ په‌یدابوونا ڤی حاله‌تی ئاڤا پیس بوویه‌ و گۆت:ئه‌ڤ حاله‌ت په‌یدابویه‌ ژێده‌ر ژ ئاڤا وێ‌ ده‌ڤه‌را سلێمانیێ‌ بوویه‌ و به‌ری چه‌ند روژا كو لوێرێ‌ بووینه‌ و ئاڤا وان یا بێ‌ كلور بوویه‌، ئانكو ئاڤ یا پاقژ نه‌ بوویه‌ ئه‌ڤه‌ ل دووڤ وان پێزانێن كو ژ ساخله‌میا هه‌ولێری. ب په‌یدابوونا ڤێ‌ بوویه‌رێ‌ ل دووڤ گۆتنێن د.نزار عسمه‌ت، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌ ئه‌و پێرابونیێن به‌ری نوكه‌ وان وه‌رگرتین دێ‌ دبه‌رده‌وام بن و دێ‌ باشتر لێهێن و دێ‌ دووڤچونا ئه‌وان جهان هێته‌كرن یێن ئه‌ڤ كه‌سه‌ لێ‌ ئاكنجی كا چ خوارن خارویه‌ و هه‌می دووڤچون دێ‌ هێنه‌ كرن و پشكنین دێ‌ بو ئه‌وان كه‌سێن نێزیكی وان هێنه‌كرن و گۆتژی: ئه‌ز باوه‌رم ئه‌و ده‌مێ‌ چووین وئه‌و ده‌مێ‌ نه‌خوشی لێده‌ركه‌تی وێ‌ چه‌ندێ‌ دگه‌هینیت كو ژێده‌ر نه‌ دهوكه‌ ..