هشیارییا به‌ربه‌لاڤبوونا كولێرایێ دناڤ قوتابیان دهێته به‌لاڤكرن
هاتیه بلاڤکرن روژا جارشه‌مبێ, 10 چریا ئيكى 2012 - 6:13pm
ب مه‌ره‌ما هشیاركرنا وه‌لاتیان لسه‌ر مه‌ترسیێن به‌ربه‌لاڤبوونا نه‌خوشیا كولێرایێ، ئه‌ڤرو لدووڤ داخوازییا كولیژا عیشق ل پارێزگه‌ها دهۆكێ، د. نوره‌دین عه‌بدوللا به‌رپرسێ بنگه‌هێ زانین یێ ساخله‌مییا قوتابخانا سمیناره‌ك لسه‌ر نه‌خوشیا ناڤبری سازكر.
دڤێ سمینارێ دا كۆ ژماره‌كا قوتابی و ماموستایێ كولیژا ناڤبری ئاماده‌ببوون ، به‌حسێ چاوانییا به‌ربه‌لاڤبوونا نه‌خوشییا كولێرایێ هاته‌كرن ل هه‌رێما كوردستانێ و دیاركر، مه‌ترسیه‌ك لده‌ڤ وه‌لاتی په‌یدا بوویه‌و ئاماژه ب وێ چه‌ندیێ كر كو پێدڤییه وه‌لاتی هشیاری لده‌ڤ هه‌بیت نه‌ك مه‌ترسیی په‌یدا بكه‌ت.
د ئالیه‌كێ دیێ ڤێ سمینارێ دا د.نوره‌دینێ گۆت: پێدڤیه وه‌لاتیێ مه هه‌موو رێكێن خوپاراستنێ بگریته به‌ر ب ئارمانجا وێ چه‌ندێ ئه‌ڤ نه‌خوشییه به‌ربه‌لاڤ نه‌بیت و ده‌لیڤه‌یا په‌یدابوونا نه‌بیت وئاشكه‌را كر، سێ جورێن ڤێ نه‌خوشیی َهه‌نه، یا سڤاك، ناڤین و گران.
دهێته زانین پشتێ به‌حسێ ده‌نگویێ به‌ربه‌لاڤبوونا نه‌خوشییا كولێرایێ ل هه‌رێما كوردستانێ به‌لاڤبوویی، ساخله‌مییا دهۆكێ هه‌موو رێك گرتینه به‌ر ب ئارمانجا هشیاركرن و پاراستنا گیانێ وه‌لاتیان.
ئه‌ڤ مالپه‌ره فرێکه
