هه‌موو زارۆیێن ژێر 5 سالیێ دێ هێنه ڤاكسیندان
هاتیه بلاڤکرن روژا جارشه‌مبێ, 10 چریا ئيكى 2012 - 6:18pm
چاڤه‌رێیه ل ئێكشه‌مبییا بهێت هه‌موو زارۆیێن 1 رۆژی تا 5 سالی ب ڤاكسینێ فالنجا زارۆیان بهێنه ڤاكسیندان، ساخله‌مییا دهۆكێ ژی راگه‌هاند دێ زێده‌تری 179 هزار زارۆ ڤاكسینێ وه‌رگرن.
د. لوما حازم سه‌رپه‌رشتا هه‌وا ڤاكسیندانێ ل پارێزگه‌ها دهۆكێ گۆت: گه‌را دووێ یا پایزی ژ هه‌وا ڤاكسیندانێ دژی نه‌خوشییا فالنجا زارۆیان كۆ ل رۆژێن 14 تا 18 ڤێ مه‌هێ دێ هێته ئه‌نجامدان، زێده‌تر ژ 179 هزار زارۆ ڤاكسینێ دێ وه‌رگرن و دیاركر، ساخله‌مییا دهۆكێ ژی 470 تیمێن گه‌روك و خوجه ژ تیماركار و نڤیسه‌ران به‌رهه‌ڤكرینه بۆ ڤێ مه‌ره‌مێ.
سه‌رپه‌رشتا هه‌وا ڤاكسیندانێ ل پارێزگه‌هێ گۆتژی: داخوازێ ژ هه‌موو دایبابا دكه‌ین هاریكاربن دگه‌ل تیمێن ساخله‌میێ ب ئارمانجا پاراستنا گیانێ زارۆیێن وان بۆ هندێ پاشه‌رۆژا وان یا مسوگه‌ربیت.
ئه‌ڤ مالپه‌ره فرێکه
